Biyl sharýa qojalyqtardy kooperativke biriktirý jumystary jalǵasatynyn aitqan aimaq basshysy, qurylatyn kooperativterde 2 700 tonna et, 34 200 tonna sút, 6 myń tonna jemis, 5 myń tonna kókónis daiyndaý josparlanyp jatqanyn jetkizdi.
– Sonymen qatar, oblysta jańadan 3 173 shaǵyn mal bordaqylaý alańy, 731 januialyq sút fermasy, 15 shaǵyn qus fermasy, 7 balyq sharýashylyǵy ashylady dep kútilýde. Atqarylatyn jumystardyń nátijesinde aýyl sharýashylyǵy óniminiń kólemi 595,3 mlrd. teńgege, ósim 3,9 paiyzǵa jetetin bolady, – dedi J.Túimebaev.
Budan basqa ákim oblysta «Sút klasterin» jáne kooperativterdi damytýǵa yqpal etetin modýldi beketter jasalyp, olardy kásipkerlerge qosymsha kepilsiz jáne aldyn-ala tólemsiz lizingke beretin baǵdarlama jasalynǵanyn atap ótti. Sonymen birge aýyl-aimaqtardaǵy turǵyndardy jappai kásipkerlikke tartyp, otbasylyq biznesti damytý úshin sút ónimderin shyǵaratyn, jemis-jidekterdi keptiretin, mal soiýǵa arnalǵan modýldi beketter ornalastyrý josparlanýda.
OQO ákiminiń baspasóz qyzmeti
