2018 jyly oblystyń aýyl sharýashylyǵy eńbek ónimdiligin arttyrý men eksportty ulǵaıtý baǵytynda damıtyn bolady. Iaǵnı, aýyl sharýashylyǵy daqyldarynyń egis kólemi 15 myń ga ulǵaıtylyp, jalpy egis kólemi 833 myń ga jetkiziledi.  Al ıntensıvti baýlar 800 ga, júzim 736 ga, tańqýraı 300 ga, jańǵaq sharýashylyǵy qosymsha 1000 ga jerge otyrǵyzylmaq. Budan bólek, jylyjaılar 200 ga, tamshylatyp sýǵarý ádisi 7 200 gektarǵa engiziletin bolady. Bul jóninde «Túrkistan» saraıynda ótken oblys ákiminiń esepti kezdesýinde málim boldy.

Bıyl sharýa qojalyqtardy kooperatıvke biriktirý jumystary jalǵasatynyn aıtqan aımaq basshysy, qurylatyn kooperatıvterde 2 700 tonna et, 34 200 tonna sút, 6 myń tonna jemis, 5 myń tonna kókónis daıyndaý josparlanyp jatqanyn jetkizdi.



– Sonymen qatar, oblysta jańadan 3 173 shaǵyn mal bordaqylaý alańy, 731 januıalyq sút fermasy, 15 shaǵyn qus fermasy, 7 balyq sharýashylyǵy ashylady dep kútilýde. Atqarylatyn jumystardyń nátıjesinde aýyl sharýashylyǵy óniminiń kólemi 595,3 mlrd. teńgege, ósim 3,9 paıyzǵa jetetin bolady, – dedi J.Túımebaev.



Budan basqa ákim oblysta «Sút klasterin» jáne kooperatıvterdi damytýǵa yqpal etetin modýldi beketter jasalyp, olardy kásipkerlerge qosymsha kepilsiz jáne aldyn-ala tólemsiz lızıńke beretin baǵdarlama jasalynǵanyn atap ótti. Sonymen birge aýyl-aımaqtardaǵy turǵyndardy jappaı kásipkerlikke tartyp, otbasylyq bıznesti damytý úshin sút ónimderin shyǵaratyn, jemis-jıdekterdi keptiretin, mal soıýǵa arnalǵan modýldi beketter ornalastyrý josparlanýda.



 

OQO ákiminiń baspasóz qyzmeti