Ońtústikte byltyr 30-dan astam sáýlettik joba ázirlengen
Onyń aitýynsha, sáýlettik jobalardyń arasynda Túrkistan qalasyndaǵy tarihi-mádeni týrizmdi damytý tujyrymdamasy, «Qasqasý» demalys aimaǵy, Shymkent qalasyndaǵy shatqaldardy kógaldandyrý men jaiaý júrginshilerge arnalǵan «Arbat» tipindegi joldar, «Eski qala» aýmaǵy bar.
«Rýhani jańǵyrý» baǵdarlamasyna sáikes oblys aýmaǵyndaǵy 500 eskertkish anyqtalyp, onyń ishinde 100 nysannyń tizimi oblystyq mádeniet basqarmasymen birlesip jasaldy. Olardyń qatarynda aýdan ortalyqtaryndaǵy salynatyn «Dostyq úii» jobasy, «Qazyǵurt» tarihi-etnografiialyq kesheni, «Karaýyl tóbe», «Qoshqar ata» ózeniniń boiyn jáne «Ordabasy» memorialdyq tarihi-mádeni keshenin abattandyrý men kógaldandyrý, «Kóne Túrkistan» qalashyǵyn qalpyna keltirý, «Uly dala» saiabaǵynyń nobaiy syndy jobalar ázirlendi», - dedi Baqtybai Elikuly.
Sonymen qatar, aýdan, qala ákimdikteriniń tarapynan memlekettik qurylys normalary saqtalmai salynǵan qurylys nysandar boiynsha qaraý jáne sharalar kórýge tiisti mekemelerge hattar joldanǵan. Nátijesinde 138 qurylys nysanyna tiisti sharalar kórilip, 272 qurylys nysany boiynsha áli de jumystar atqarylýda.
Basqarmanyń málimdeýinshe aýdandyq, qalalyq sáýlet jáne qala qurylysy bólimderine ótken jyly «Qurylys jáne rekonstrýktsiia jobalaryna bastapqy materialdardy berý týraly» 4004 ótinish túsip, onyń 3418-i qanaǵattandyrylǵan.
Sondai-aq, oblystyq sáýlet jáne qala qurylysy basqarmasy tarapynan ótken jyly barlyq josparlanǵan 4187 qurylys nysany boiynsha júrgiziletin qarjy kózderi zerttelip, nátijesinde 3395 nysan jeke qarjy esebinen, 782 nysan memlekettik qarjy esebinen salynyp otyr.
OQO ákiminiń baspasóz qyzmeti
https://dalanews.kz/33541
