ونىڭ ايتۋىنشا، ساۋلەتتىك جوبالاردىڭ اراسىندا تۇركىستان قالاسىنداعى تاريحي-مادەني ءتۋريزمدى دامىتۋ تۇجىرىمداماسى، «قاسقاسۋ» دەمالىس ايماعى، شىمكەنت قالاسىنداعى شاتقالداردى كوگالداندىرۋ مەن جاياۋ جۇرگىنشىلەرگە ارنالعان «اربات» تيپىندەگى جولدار، «ەسكى قالا» اۋماعى بار.
«رۋحاني جاڭعىرۋ» باعدارلاماسىنا سايكەس وبلىس اۋماعىنداعى 500 ەسكەرتكىش انىقتالىپ، ونىڭ ىشىندە 100 نىساننىڭ ءتىزىمى وبلىستىق مادەنيەت باسقارماسىمەن بىرلەسىپ جاسالدى. ولاردىڭ قاتارىندا اۋدان ورتالىقتارىنداعى سالىناتىن «دوستىق ءۇيى» جوباسى، «قازىعۇرت» تاريحي-ەتنوگرافيالىق كەشەنى، «كاراۋىل توبە»، «قوشقار اتا» وزەنىنىڭ بويىن جانە «ورداباسى» مەموريالدىق تاريحي-مادەني كەشەنىن اباتتاندىرۋ مەن كوگالداندىرۋ، «كونە تۇركىستان» قالاشىعىن قالپىنا كەلتىرۋ، «ۇلى دالا» ساياباعىنىڭ نوبايى سىندى جوبالار ازىرلەندى»، - دەدى باقتىباي ەلىك ۇلى.
سونىمەن قاتار، اۋدان، قالا اكىمدىكتەرىنىڭ تاراپىنان مەملەكەتتىك قۇرىلىس نورمالارى ساقتالماي سالىنعان قۇرىلىس نىساندار بويىنشا قاراۋ جانە شارالار كورۋگە ءتيىستى مەكەمەلەرگە حاتتار جولدانعان. ناتيجەسىندە 138 قۇرىلىس نىسانىنا ءتيىستى شارالار كورىلىپ، 272 قۇرىلىس نىسانى بويىنشا ءالى دە جۇمىستار اتقارىلۋدا.
باسقارمانىڭ مالىمدەۋىنشە اۋداندىق، قالالىق ساۋلەت جانە قالا قۇرىلىسى بولىمدەرىنە وتكەن جىلى «قۇرىلىس جانە رەكونسترۋكسيا جوبالارىنا باستاپقى ماتەريالداردى بەرۋ تۋرالى» 4004 ءوتىنىش ءتۇسىپ، ونىڭ 3418ء-ى قاناعاتتاندىرىلعان.
سونداي-اق، وبلىستىق ساۋلەت جانە قالا قۇرىلىسى باسقارماسى تاراپىنان وتكەن جىلى بارلىق جوسپارلانعان 4187 قۇرىلىس نىسانى بويىنشا جۇرگىزىلەتىن قارجى كوزدەرى زەرتتەلىپ، ناتيجەسىندە 3395 نىسان جەكە قارجى ەسەبىنەن، 782 نىسان مەملەكەتتىك قارجى ەسەبىنەن سالىنىپ وتىر.
وقو اكىمىنىڭ باسپا ءسوز قىزمەتى
https://dalanews.kz/33541
