Al qalǵan 781,1 shaqyrym jol bıyl paıdalanýǵa beriletin bolady. Atalǵan maqsatqa oblystyq búdjetten 27 mlrd. 269,2 mln. teńge baǵyttalsa, oblystyq mańyzy bar 51 nysanǵa 6,5 mlrd. teńge, aýdan, qala ákimdikterine 417 nysanǵa 9,8 mlrd. teńge jáne Shymkent qalasynyń 112 nysanyna 10,9 mlrd. teńge bólingen. Bul týraly oblystyq jolaýshylar kóligi jáne avtomobıl joldary basqarmasy málim etti.
Oblysymyzdaǵy avtomobıl joldary men eldi meken kósheleriniń jalpy uzyndyǵy 20 928,9 shaqyrymdy quraıdy. Onyń 837 shaqyrymy respýblıkalyq, 4261,2 shaqyrymy oblystyq, 1 642,7 shaqyrymy aýdandyq mańyzy bar. Bir ǵana Shymkent qalasynyń ózindegi kóshelerdiń uzyndyǵy 2810,9 shaqyrymǵa jetedi.
Ótken jyl sońynda jóndeý jumystary júrgizilgen 51 nysannyń 22-si paıdalanýǵa berilse, qalǵan 29-y 2018 jylǵa ótpeli bolyp otyr. 2016-2017 jyldar aralyǵyn salystyratyn bolsaq, avtomobıl joldary salasynda barlyq kórsetkishter boıynsha ósim baıqalady. Atap aıtqanda, nysan sany – 147,4 paıyzǵa, shaqyrym uzyndyǵy – 158,5 paıyzǵa, qaralǵan qarjy kólemi – 106,5 paıyzǵa ulǵaıǵan.
Óńir aýmaǵyndaǵy oblystyq mańyzy bar avtomobıl joldarynyń boıynda 410 kópir bar. Onyń 291-y qanaǵattanarlyq jaǵdaıda bolsa, 119 kópir jóndeýdi qajet etedi. 2017 jyly sonyń 19-y kúrdeli jóndeýden ótken. Oǵan qosa, 24 kópirde qurylys-jóndeý jumystaryn júrgizýge tıisti qujattama ázirlenýde. Qalǵan 77 kópir kezeń-kezeńimen tıisti qujattar ázirlenip, qalpyna keltiriletin bolady.
Aıta keteıik, kópirlerdi tehnıkalyq kútip- ustaý jumystarmen «Ońtústik joldary» memlekettik komýnaldyq mekemesi aınalysady.
OQO ákiminiń baspasóz qyzmeti
https://dalanews.kz/33126
