ال قالعان 781،1 شاقىرىم جول بيىل پايدالانۋعا بەرىلەتىن بولادى. اتالعان ماقساتقا وبلىستىق بيۋدجەتتەن 27 ملرد. 269،2 ملن. تەڭگە باعىتتالسا، وبلىستىق ماڭىزى بار 51 نىسانعا 6،5 ملرد. تەڭگە، اۋدان، قالا اكىمدىكتەرىنە 417 نىسانعا 9،8 ملرد. تەڭگە جانە شىمكەنت قالاسىنىڭ 112 نىسانىنا 10،9 ملرد. تەڭگە بولىنگەن. بۇل تۋرالى وبلىستىق جولاۋشىلار كولىگى جانە اۆتوموبيل جولدارى باسقارماسى ءمالىم ەتتى.
وبلىسىمىزداعى اۆتوموبيل جولدارى مەن ەلدى مەكەن كوشەلەرىنىڭ جالپى ۇزىندىعى 20 928،9 شاقىرىمدى قۇرايدى. ونىڭ 837 شاقىرىمى رەسپۋبليكالىق، 4261،2 شاقىرىمى وبلىستىق، 1 642،7 شاقىرىمى اۋداندىق ماڭىزى بار. ءبىر عانا شىمكەنت قالاسىنىڭ وزىندەگى كوشەلەردىڭ ۇزىندىعى 2810،9 شاقىرىمعا جەتەدى.
![](/uploads/images/20240128001807577.jpg)
وتكەن جىل سوڭىندا جوندەۋ جۇمىستارى جۇرگىزىلگەن 51 نىساننىڭ 22ء-سى پايدالانۋعا بەرىلسە، قالعان 29-ى 2018 جىلعا وتپەلى بولىپ وتىر. 2016-2017 جىلدار ارالىعىن سالىستىراتىن بولساق، اۆتوموبيل جولدارى سالاسىندا بارلىق كورسەتكىشتەر بويىنشا ءوسىم بايقالادى. اتاپ ايتقاندا، نىسان سانى – 147،4 پايىزعا، شاقىرىم ۇزىندىعى – 158،5 پايىزعا، قارالعان قارجى كولەمى – 106،5 پايىزعا ۇلعايعان.
ءوڭىر اۋماعىنداعى وبلىستىق ماڭىزى بار اۆتوموبيل جولدارىنىڭ بويىندا 410 كوپىر بار. ونىڭ 291-ى قاناعاتتانارلىق جاعدايدا بولسا، 119 كوپىر جوندەۋدى قاجەت ەتەدى. 2017 جىلى سونىڭ 19-ى كۇردەلى جوندەۋدەن وتكەن. وعان قوسا، 24 كوپىردە قۇرىلىس-جوندەۋ جۇمىستارىن جۇرگىزۋگە ءتيىستى قۇجاتتاما ازىرلەنۋدە. قالعان 77 كوپىر كەزەڭ-كەزەڭىمەن ءتيىستى قۇجاتتار ازىرلەنىپ، قالپىنا كەلتىرىلەتىن بولادى.
ايتا كەتەيىك، كوپىرلەردى تەحنيكالىق كۇتىپ- ۇستاۋ جۇمىستارمەن «وڭتۇستىك جولدارى» مەملەكەتتىك كوممۋنالدىق مەكەمەسى اينالىسادى.
وقو اكىمىنىڭ باسپا ءسوز قىزمەتى
https://dalanews.kz/33126