Mamandardy oqytýmen ainalysatyn qolóner sheberlerine ár oqýshyny oqytqany úshin ai saiyn 30 myń teńgeden tólenbek. Diplomy bar qolóner sheberlerin sabaq berýge nemese tájirbielik tálimger sheberi (master nastavnik) retinde jumysqa tartatyn bolamyz. Bul týraly Shymkent qalasyndaǵy Beisbekovter otbasylyq jeke «Altyn Orda» galereiasynyń jumysymen tanysý barysynda Ońtústik Qazaqstan oblysynyń ákimi Janseiit Túimebaev málim etti.
Shara barysynda oblys ákimi men qonaqtar «Altyn Orda» galereiasynyń sheberhanalarynda uiymdastyrylǵan alasha, kilem, teri, zerger, keramika, toqyma buiymdary qoiylǵan qolóner sheberleriniń kórmesin tamashalady.
– Ulttyq ónerimizdi ulyqtaityn mundai erekshe joba Ońtústik óńirinde oblys ákimi J. Túimebaevtyń bastamasymen alǵash ret qolǵa alynyp otyr. Rýhani jańǵyrý aiasynda júzege asatyn bul joba qazaqtyń ata kásibin, salt-dástúrin nasihattaýǵa keremet múmkindik týǵyzady. Týrizmdi damytýǵa da tikelei yqpaly tiedi. Bastamanyń nátijesinde nebir talantty sheber jastardyń ósip shyǵatynyna senimim kámil, - dedi Bolatbek Beisbekov.
Aita keteiik, búginde Ońtústik Qazaqstan oblysynda Qazaqstan Qolónershiler Odaǵynyń 23 múshesi bar. Olar búginge deiin «Shevron» kompaniiasynyń qoldaýymen Úndistan, Malaiziia, Túrkiia, Túrkmenstan, Nepal, Qytai, Tailand elderinde qazaq qolónerin joǵary deńgeide tanytyp júr.
OQO ákiminiń baspasóz qyzmeti
https://dalanews.kz/33401
