مامانداردى وقىتۋمەن اينالىساتىن قولٶنەر شەبەرلەرٸنە ەر وقۋشىنى وقىتقانى ٷشٸن اي سايىن 30 مىڭ تەڭگەدەن تٶلەنبەك. ديپلومى بار قولٶنەر شەبەرلەرٸن ساباق بەرۋگە نەمەسە تەجٸربيەلٸك تەلٸمگەر شەبەرٸ (ماستەر ناستاۆنيك) رەتٸندە جۇمىسقا تارتاتىن بولامىز. بۇل تۋرالى شىمكەنت قالاسىنداعى بەيسبەكوۆتەر وتباسىلىق جەكە «التىن وردا» گالەرەياسىنىڭ جۇمىسىمەن تانىسۋ بارىسىندا وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ مەلٸم ەتتٸ.
شارا بارىسىندا وبلىس ەكٸمٸ مەن قوناقتار «التىن وردا» گالەرەياسىنىڭ شەبەرحانالارىندا ۇيىمداستىرىلعان الاشا, كٸلەم, تەرٸ, زەرگەر, كەراميكا, توقىما بۇيىمدارى قويىلعان قولٶنەر شەبەرلەرٸنٸڭ كٶرمەسٸن تاماشالادى.
– ۇلتتىق ٶنەرٸمٸزدٸ ۇلىقتايتىن مۇنداي ەرەكشە جوبا وڭتٷستٸك ٶڭٸرٸندە وبلىس ەكٸمٸ ج. تٷيمەباەۆتىڭ باستاماسىمەن العاش رەت قولعا الىنىپ وتىر. رۋحاني جاڭعىرۋ اياسىندا جٷزەگە اساتىن بۇل جوبا قازاقتىڭ اتا كەسٸبٸن, سالت-دەستٷرٸن ناسيحاتتاۋعا كەرەمەت مٷمكٸندٸك تۋعىزادى. تۋريزمدٸ دامىتۋعا دا تٸكەلەي ىقپالى تيەدٸ. باستامانىڭ نەتيجەسٸندە نەبٸر تالانتتى شەبەر جاستاردىڭ ٶسٸپ شىعاتىنىنا سەنٸمٸم كەمٸل, - دەدٸ بولاتبەك بەيسبەكوۆ.
ايتا كەتەيٸك, بٷگٸندە وڭتٷستٸك قازاقستان وبلىسىندا قازاقستان قولٶنەرشٸلەر وداعىنىڭ 23 مٷشەسٸ بار. ولار بٷگٸنگە دەيٸن «شەۆرون» كومپانيياسىنىڭ قولداۋىمەن ٷندٸستان, مالايزييا, تٷركييا, تٷركمەنستان, نەپال, قىتاي, تايلاند ەلدەرٸندە قازاق قولٶنەرٸن جوعارى دەڭگەيدە تانىتىپ جٷر.
وقو ەكٸمٸنٸڭ باسپاسٶز قىزمەتٸ
https://dalanews.kz/33401
