Onyń aitýynsha, oblysta jolaýshylardy tasymaldaý qyzmetin 62 jeke mekeme kelisim sharttar negizinde qyzmet kórsetedi. Óńirde jolaýshylardy tasymaldaý jelisi búgingi tańda 400 baǵytta qatynap otyr. Onyń 37-i oblysaralyq, 115-i aýdanaralyq, 121-i qalalyq, 127-i aýdanishilik baǵyttar.
– Qoǵamdyq kólik bara alatyn jáne jol jaǵdaiy talaptarǵa sáikes keletin oblystaǵy 766 eldi meken 90,2 paiyz qoǵamdyq kólikpen qamtamasyz etilgen. 2017 jylǵa arnalǵan qoǵamdyq kólikpen qamtamasyz etý indikatory tolyǵymen oryndaldy. Atalǵan kórsetkish boiynsha oblysymyz respýblika 5-oryndy iemdenip otyr, – dedi Nurlan Marhabatuly.
Sondai-aq, oblys aýmaǵynda 7 avtovokzal men 23 avtobeket halyqqa qyzmet kórsetedi. Oblys ákimi tapsyrmasyna sáikes óńirdegi avtovokzaldardy standart talaptaryna sáikestendirý jumystary jandandarylýda. 2020 jylǵa deiin oblystaǵy avtovokzaldar men avtobeketterdi Ulttyq Standart talaptaryna 100 paiyzǵa sáikestendirý josparlanyp otyr.
Budan bólek, aimaqta áleýmettik mańyzy bar «Shymkent - Saryaǵash» jáne «Shymkent-Túrkistan» temir jol baǵyttary avtomobil jolymen qamtylmaǵan eldi meken turǵyndaryna tasymaldaý qyzmetin kórsetip keledi.
OQO ákiminiń baspasóz qyzmeti
https://dalanews.kz/33683
