ونىڭ ايتۋىنشا، وبلىستا جولاۋشىلاردى تاسىمالداۋ قىزمەتىن 62 جەكە مەكەمە كەلىسىم شارتتار نەگىزىندە قىزمەت كورسەتەدى. وڭىردە جولاۋشىلاردى تاسىمالداۋ جەلىسى بۇگىنگى تاڭدا 400 باعىتتا قاتىناپ وتىر. ونىڭ 37ء-ى وبلىسارالىق، 115ء-ى اۋدانارالىق، 121ء-ى قالالىق، 127ء-ى اۋدانىشىلىك باعىتتار.
– قوعامدىق كولىك بارا الاتىن جانە جول جاعدايى تالاپتارعا سايكەس كەلەتىن وبلىستاعى 766 ەلدى مەكەن 90،2 پايىز قوعامدىق كولىكپەن قامتاماسىز ەتىلگەن. 2017 جىلعا ارنالعان قوعامدىق كولىكپەن قامتاماسىز ەتۋ ينديكاتورى تولىعىمەن ورىندالدى. اتالعان كورسەتكىش بويىنشا وبلىسىمىز رەسپۋبليكا 5-ورىندى يەمدەنىپ وتىر، – دەدى نۇرلان مارحابات ۇلى.
سونداي-اق، وبلىس اۋماعىندا 7 اۆتوۆوكزال مەن 23 اۆتوبەكەت حالىققا قىزمەت كورسەتەدى. وبلىس اكىمى تاپسىرماسىنا سايكەس وڭىردەگى اۆتوۆوكزالداردى ستاندارت تالاپتارىنا سايكەستەندىرۋ جۇمىستارى جانداندارىلۋدا. 2020 جىلعا دەيىن وبلىستاعى اۆتوۆوكزالدار مەن اۆتوبەكەتتەردى ۇلتتىق ستاندارت تالاپتارىنا 100 پايىزعا سايكەستەندىرۋ جوسپارلانىپ وتىر.
بۇدان بولەك، ايماقتا الەۋمەتتىك ماڭىزى بار «شىمكەنت - سارىاعاش» جانە «شىمكەنت-تۇركىستان» تەمىر جول باعىتتارى اۆتوموبيل جولىمەن قامتىلماعان ەلدى مەكەن تۇرعىندارىنا تاسىمالداۋ قىزمەتىن كورسەتىپ كەلەدى.
وقو اكىمىنىڭ باسپا ءسوز قىزمەتى
https://dalanews.kz/33683
