Ońtústik Koreianyń burynǵy birinshi hanymy Kim Kon Hi sybailas jemqorlyq isi boiynsha ózine shyǵarylǵan sot úkimine apelliatsiialyq shaǵym túsirdi. Bul týraly ol dúisenbi kúni resmi túrde málimdedi, dep habarlaidy Dalanews.kz.
Sot Kim Kon Hidi Birigý shirkeýinen qymbat syilyqtar qabyldaǵany úshin kináli dep tanyp, 20 aiǵa bas bostandyǵynan aiyrý jazasyn taǵaiyndaǵan bolatyn.
Eks-birinshi hanymnyń qorǵaýshylary sot sheshimimen kelispeitinin aityp, aiyptaý úkimin tolyqtai joqqa shyǵaratynyn málimdedi. Olardyń sózinshe, Kim Kon Hi eshqashan quny 62,2 million von turatyn alqany alǵan emes.
Advokattar apelliatsiia barysynda dál osy jaitty negizgi ýáj retinde alǵa tartyp, sottyń burynǵy sheshimin qaita qaraýdy talap etpek.
Qazirgi ýaqytta apelliatsiialyq sottyń shaǵymdy qashan qaraityny ázirge belgisiz. Is Ońtústik Koreia qoǵamynda keń rezonans týdyryp otyr.
