Eńbek jáne halyqty áleýmettik qorǵaý ministrligi kóshi-qon komitetiniń tóraǵasy Asqarbek Ertaevtyń sózinshe, Qazaqstan azamattarynyń Ońtústik Koreiada jumysqa ornalasýyna ruqsat beretin júie jaqynda iske qosylady.
"
Arnaiy Sapar ortalyǵyn qurý jumysy bastaldy. Bul vedomstvo Ońtústik Koreiaǵa jumysqa ornalasqysy keletin azamattarǵa til úiretip, qujattaryn rásimdeýge járdemdesedi.
Jobany iske asyrý atalǵan elge eńbektenýge barǵan azamattarymyzdyń áleýmettik jáne eńbek quqyǵyn qorǵaýǵa kepil beredi», - dedi ol.
Sondai-aq, joba aiasynda Ońtústik Koreiaǵa barǵan otandastarymyz 3 jylǵa deiin zańdy túrde jumys istei alady.
"Biz Ońtústik Koreiaǵa óz usynystarymyzdy joldadyq. Kelesi aptada olarmen tehnikalyq kelissóz júrgizemiz. Jalpy algoritm qandai: bizdiń usynystardy ol eldegi barlyq múddeli memlekettik organdar qarap, taldaidy. Qazaqstan osydan keiin eńbek adamdaryn eksporttaityn, Koreianyń júiesi tizimine engiziledi. Qazir ol júiede 16 el bar. Basqa da memleketter ótinim berip jatyr. Bir jyl ishinde másele sheshilýi kerek. Merzimin álbette, Ońtústik Koreia belgileidi. Bul baǵytta jumys júrgizilip jatyr, – deidi ol.
Foto: Tengrinews.kz
