ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتىنىڭ ءتوراعاسى اسقاربەك ەرتايەۆتىڭ سوزىنشە، قازاقستان ازاماتتارىنىڭ وڭتۇستىك كورەيادا جۇمىسقا ورنالاسۋىنا رۇقسات بەرەتىن جۇيە جاقىندا ىسكە قوسىلادى.
"
ارنايى ساپار ورتالىعىن قۇرۋ جۇمىسى باستالدى. بۇل ۆەدومستۆو وڭتۇستىك كورەياعا جۇمىسقا ورنالاسقىسى كەلەتىن ازاماتتارعا ءتىل ۇيرەتىپ، قۇجاتتارىن راسىمدەۋگە جاردەمدەسەدى.
جوبانى ىسكە اسىرۋ اتالعان ەلگە ەڭبەكتەنۋگە بارعان ازاماتتارىمىزدىڭ الەۋمەتتىك جانە ەڭبەك قۇقىعىن قورعاۋعا كەپىل بەرەدى»، - دەدى ول.
سونداي-اق، جوبا اياسىندا وڭتۇستىك كورەياعا بارعان وتانداستارىمىز 3 جىلعا دەيىن زاڭدى تۇردە جۇمىس ىستەي الادى.
"ءبىز وڭتۇستىك كورەياعا ءوز ۇسىنىستارىمىزدى جولدادىق. كەلەسى اپتادا ولارمەن تەحنيكالىق كەلىسسوز جۇرگىزەمىز. جالپى الگوريتم قانداي: ءبىزدىڭ ۇسىنىستاردى ول ەلدەگى بارلىق مۇددەلى مەملەكەتتىك ورگاندار قاراپ، تالدايدى. قازاقستان وسىدان كەيىن ەڭبەك ادامدارىن ەكسپورتتايتىن، كورەيانىڭ جۇيەسى تىزىمىنە ەنگىزىلەدى. ءقازىر ول جۇيەدە 16 ەل بار. باسقا دا مەملەكەتتەر ءوتىنىم بەرىپ جاتىر. ءبىر جىل ىشىندە ماسەلە شەشىلۋى كەرەك. مەرزىمىن البەتتە، وڭتۇستىك كورەيا بەلگىلەيدى. بۇل باعىتتا جۇمىس جۇرگىزىلىپ جاتىر، – دەيدى ول.
فوتو: Tengrinews.kz
