Ońtústik Koreia biliginen shettetilgen prezident Iýn Sok Iol tutqynǵa alyndy, dep habarlaidy Dalanews.kz.
Yonhap málimetinshe, joǵary laýazymdy sheneýnikter arasyndaǵy jemqorlyqty tergeý basqarmasy (CIO) Iýndy tergeýge alyp ketken.
Tutqyndalmas buryn Iýn qysqa videoúndeý jariialap, tergeý basqarmasyna “qaqtyǵystyń aldyn alý úshin” óz erkimen baratynyn málimdegen.
“Bul istiń zańsyz ekenine senimdimin, biraq elde qajetsiz qaqtyǵystar men qan tógilýdiń aldyn alý úshin Jemqorlyqty tergeý biýrosyna barýǵa sheshim qabyldadym. Bul — atalǵan isti moiyndaǵanymdy bildirmeidi”, — dedi ol.
Sonymen qatar Iýn elde zań ústemdigi printsipi buzylyp jatqanyn, oǵan qarsy is qozǵaǵan tergeý organdary men tutqyndaýǵa order bergen sot ta mundai quqyqqa ie bolmaǵanyn aitty.
Yonhap-tyń habarlaýynsha, bul el tarihyndaǵy qyzmettegi prezidenttiń tutqyndalýymen bailanysty alǵashqy jaǵdai.
Aita keteiik, buǵan deiin Ońtústik Koreia tergeýshileri bilikten ketken prezident Iýn Sok Ioldi tutqyndaýǵa áreket jasaǵan edi. Biraq operatsiia sátsiz aiaqtaldy. Sebebi memleket basshysyn ustaýǵa onyń kúzetshileri birneshe saǵat boiy qarsylyq kórsetken. Sonymen qatar operatsiiany toqtatýǵa tergeýshilerdiń ómirine tóngen qaýip te sebep bolǵan.
Eske salaiyq, 14 jeltoqsanda Ońtústik Koreia Parlamenti 3 jeltoqsanda qysqa merzimdi áskeri jaǵdai engizilgeni úshin prezidentke impichment jariialap, onyń ókilettigin toqtatqan edi. Prokýratýra ony búlik uiymdastyrý jáne bilikti asyra paidalaný boiynsha aiyptaýda.
