وڭتٷستٸك كورەيا بيلٸگٸنەن شەتتەتٸلگەن پرەزيدەنت يۋن سوك يول تۇتقىنعا الىندى, دەپ حابارلايدى Dalanews.kz.
Yonhap مەلٸمەتٸنشە, جوعارى لاۋازىمدى شەنەۋنٸكتەر اراسىنداعى جەمقورلىقتى تەرگەۋ باسقارماسى (CIO) يۋندى تەرگەۋگە الىپ كەتكەن.
تۇتقىندالماس بۇرىن يۋن قىسقا ۆيدەوٷندەۋ جارييالاپ, تەرگەۋ باسقارماسىنا “قاقتىعىستىڭ الدىن الۋ ٷشٸن” ٶز ەركٸمەن باراتىنىن مەلٸمدەگەن.
“بۇل ٸستٸڭ زاڭسىز ەكەنٸنە سەنٸمدٸمٸن, بٸراق ەلدە قاجەتسٸز قاقتىعىستار مەن قان تٶگٸلۋدٸڭ الدىن الۋ ٷشٸن جەمقورلىقتى تەرگەۋ بيۋروسىنا بارۋعا شەشٸم قابىلدادىم. بۇل — اتالعان ٸستٸ مويىنداعانىمدى بٸلدٸرمەيدٸ”, — دەدٸ ول.
سونىمەن قاتار يۋن ەلدە زاڭ ٷستەمدٸگٸ پرينتسيپٸ بۇزىلىپ جاتقانىن, وعان قارسى ٸس قوزعاعان تەرگەۋ ورگاندارى مەن تۇتقىنداۋعا وردەر بەرگەن سوت تا مۇنداي قۇقىققا يە بولماعانىن ايتتى.
Yonhap-تىڭ حابارلاۋىنشا, بۇل ەل تاريحىنداعى قىزمەتتەگٸ پرەزيدەنتتٸڭ تۇتقىندالۋىمەن بايلانىستى العاشقى جاعداي.
ايتا كەتەيٸك, بۇعان دەيٸن وڭتٷستٸك كورەيا تەرگەۋشٸلەرٸ بيلٸكتەن كەتكەن پرەزيدەنت يۋن سوك يولدٸ تۇتقىنداۋعا ەرەكەت جاساعان ەدٸ. بٸراق وپەراتسييا سەتسٸز اياقتالدى. سەبەبٸ مەملەكەت باسشىسىن ۇستاۋعا ونىڭ كٷزەتشٸلەرٸ بٸرنەشە ساعات بويى قارسىلىق كٶرسەتكەن. سونىمەن قاتار وپەراتسييانى توقتاتۋعا تەرگەۋشٸلەردٸڭ ٶمٸرٸنە تٶنگەن قاۋٸپ تە سەبەپ بولعان.
ەسكە سالايىق, 14 جەلتوقساندا وڭتٷستٸك كورەيا پارلامەنتٸ 3 جەلتوقساندا قىسقا مەرزٸمدٸ ەسكەري جاعداي ەنگٸزٸلگەنٸ ٷشٸن پرەزيدەنتكە يمپيچمەنت جارييالاپ, ونىڭ ٶكٸلەتتٸگٸن توقتاتقان ەدٸ. پروكۋراتۋرا ونى بٷلٸك ۇيىمداستىرۋ جەنە بيلٸكتٸ اسىرا پايدالانۋ بويىنشا ايىپتاۋدا.
