Ońtústik Koreia prezidenti Iýn Sok Iolge shetelge shyǵýǵa tyiym salynýy múmkin, dep habarlaidy Dalanews.kz.
Bul aqparatty Yonhap News agenttigine politsiia rastaǵan.
Ońtústik Koreia politsiiasy Iýn Sok Eldiń áskeri jaǵdai engizýine bailanysty tergeý amaldaryn júrgizip jatyr. Osyǵan bailanysty prezidentke elden shyǵýǵa tyiym salynýy múmkin.
Atalǵan isti tergeý úshin politsiia shamamen 150 tergeýshiden turatyn arnaiy top qurdy.
"Aldymen qajet materialdardy jinaýymyz qajet. Jan-jaqty taldaý negizinde sheshim qabyldaimyz", - dedi politsiia ókili Vý Chjon Sý.
Aita keteiik, 3 jeltoqsanda keshke Ońtústik Koreia prezidenti Iýn Sok El elde áskeri jaǵdai jariialady.
Bul sheshim oppozitsiialyq Demokratiialyq partiia Parlamentte qysqartylǵan biýdjet týraly zań jobasyn qoldap, memlekettik aýditor men bas prokýrorǵa impichment jariialaý týraly ótinish bergennen keiin qabyldandy. Alaida Ońtústik Koreianyń Ulttyq Assambleiasy elde áskeri jaǵdai engizilýine qarsy daýys berdi.
Daýys berý kezinde Ulttyq assambleia ǵimaratynda áskeri jaǵdaidy joiýdy talap etken azamattar áskeri adamdarmen, politsiiamen qaqtyǵysyp qaldy. Seýl kóshelerinde áskeri tehnika paida boldy.
Keiin el prezidenti tótenshe áskeri jaǵdaidy alyp tastaitynyn málimdedi. Onyń aitýynsha, áskeri jaǵdaidaǵy ásker shyǵarylǵan, al jaqyn arada Úkimet otyrysy ótedi.
Araǵa uzaq ýaqyt salmai el prezidenti áskeri jaǵdai engizgeni úshin halyqtan keshirim surady.
Ol budan bylai mundai qadamdarǵa barmaýǵa ýáde berdi.
"Shyn kóńilden halyqtan keshirim suraimyn", - dedi ol.
El prezidentiniń aitýynsha, mundai sharaǵa májbúrli túrde barǵan.
"Áskeri jaǵdai jariialaýǵa bailanysty jaýapkershilikten jaltarmaimyn", - dedi ol.
Qazaqstannyń Ońtústik Koreiadaǵy elshiligi qazaqstandyqtarǵa úndeý jasady.
"Koreia Respýblikasy prezidenti Iýn Sok El áskeri jaǵdai engizýine bailanysty Koreia Respýblikasynda júrgen Qazaqstan azamattaryn sabyr saqtap, jergilikti biliktiń usynystaryn oryndaýǵa jáne kópshilik is-sharalardan aýlaq bolýǵa shaqyramyz", — dep jazylǵan habarlamada.
Qazaqstan azamattary tótenshe jaǵdai kezinde jedel bailanys úshin myna nómirlerge habarlasa alady: +8210-6572-9311.
