Ońtústik Koreia prezidenti Iýn Sok Iol elde jariialanǵan áskeri tótenshe jaǵdai alynyp tastalatynyn málimdedi, dep habarlaidy Dalanews.kz.
Memleket basshysy tótenshe jaǵdaidy qamtamasyz etý úshin jumyldyrylǵan áskerdiń keri shaqyrylatynyn atap ótti.
“Ministrler kabinetiniń otyrysy arqyly ulttyq quryltai talaptaryn eskere otyryp, áskeri jaǵdai rejimin toqtatamyn. Biz ministrler kabinetiniń otyrysyn shuǵyl túrde shaqyrdyq. Biraq tańerteńgi ýaqyt bolǵandyqtan, kvorým jinalǵan joq. Sol sebepti kvorým jinalǵan sátte-aq áskeri jaǵdaidy resmi túrde toqtatamyz”, – dedi ol.
Sonymen qatar ol ulttyq quryltaidy jaýapkershilikke shaqyryp, zańnama men biýdjetti manipýliatsiialaý arqyly eldiń qyzmetine kedergi keltirmeýdi ótindi.
“Mundai áreket memlekettiń jumysyn shekteýge ákeledi”, – dep eskertti Iýn Sok Iol.
Aita ketsek, Iýn Sok Iol 3 jeltoqsan kúni keshke elde áskeri tótenshe jaǵdai engizgen bolatyn. Bul sońǵy 45 jylda Ońtústik Koreia basshylyǵy tarapynan engizilgen alǵashqy áskeri jaǵdai boldy.
Kóp uzamai Seýldegi Ulttyq assambleia ǵimaratynyń aldynda narazylyq bildirýshiler jinalyp, politsiia parlament ǵimaratyna kirý joldaryn jaýyp tastady. Qala kóshelerinde áskeri tehnika paida boldy.
Birneshe saǵattan keiin 300 depýtattyń 190-y parlamentke kirip, áskeri tótenshe jaǵdaidy toqtatý úshin daýys berdi. Oppozitsiia jetekshisi Li Dje Men prezidenttiń sheshimin “konstitýtsiiaǵa qaishy” dep atap, ony “halyqqa qarsy áreket” dep synǵa aldy.
Al Qazaqstannyń Koreiadaǵy elshiligi eldegi áskeri tótenshe jaǵdaiǵa qatysty málimdeme jasaǵan bolatyn.
Koreia Respýblikasy prezidenti Iýn Sok Eldiń áskeri jaǵdai engizýine bailanysty Koreia Respýblikasynda júrgen Qazaqstan Respýblikasynyń azamattaryn sabyrlyq saqtap, jergilikti biliktiń usynystaryn oryndaýǵa jáne kópshilik is-sharalardan aýlaq bolýǵa shaqyramyz.
Qazaqstan Respýblikasynyń azamattary úshin tótenshe jaǵdai týyndaǵan jaǵdaida, jedel bailanys úshin +8210-6572-9311telefony arqyly elshilikke habarlasýlaryńyzdy suraimyz!, - delingen elshilik taratqan habarlamada.
