Ońtústik Koreıanyń Geologıa ǵylymdary ǵylymı-zertteý ınstıtýty (KIGAM) Qazaqstanda lıtıı ken ornyn tapqan jáne ony ıgerý jumystaryn jalǵastyrýǵa nıetti dep habarlaıdy Dalanews.kz baimedia.kz saıtyna silteme jasap.
Ken orny Shyǵys Qazaqstandaǵy 1,6 sharshy shaqyrymdyq pegmatıt alańynan tabylǵan. Buryn bul mańaıda tantal óndirilgen. Ádette lıtıı tantal óndirilgen aımaqta bolady. KIGAM kompanıasy Qazaqstan Úkimetiniń ótinishi boıynsha bul aımaqty ótken jyldyń mamyrynan bastap zerttep keledi.
KIGAM kompanıasy bul aýdandaǵy resýrstar quny 21 trln von (15,7 mlrd dollar) ekenin habarlady. Sebebi mundaa tabylǵan lıtııdiń keıbir túrleriniń qundylyǵy 5,3 paıyzǵa jetken. Salystyrmaly túrde qazir KIGAM kompanıasy Aýstralıada óndiretin lıtıı qundylyǵy 2,1 paıyzdy quraıdy.
Lıtıı – elektromobılder ındýstrıasy úshin mańyzdy mıneraldardyń biri. Bul ónim kólikterdiń akýmýlátoryn qurastyrýda asa qajet.
