وڭتۇستىك كورەيانىڭ گەولوگيا عىلىمدارى عىلىمي-زەرتتەۋ ينستيتۋتى (KIGAM) قازاقستاندا ليتيي كەن ورنىن تاپقان جانە ونى يگەرۋ جۇمىستارىن جالعاستىرۋعا نيەتتى دەپ حابارلايدى Dalanews.kz baimedia.kz سايتىنا سىلتەمە جاساپ.
كەن ورنى شىعىس قازاقستانداعى 1،6 شارشى شاقىرىمدىق پەگماتيت الاڭىنان تابىلعان. بۇرىن بۇل ماڭايدا تانتال وندىرىلگەن. ادەتتە ليتيي تانتال وندىرىلگەن ايماقتا بولادى. KIGAM كومپانياسى قازاقستان ۇكىمەتىنىڭ ءوتىنىشى بويىنشا بۇل ايماقتى وتكەن جىلدىڭ مامىرىنان باستاپ زەرتتەپ كەلەدى.
KIGAM كومپانياسى بۇل اۋدانداعى رەسۋرستار قۇنى 21 ترلن ۆون (15،7 ملرد دوللار) ەكەنىن حابارلادى. سەبەبى مۇنداا تابىلعان ءليتييدىڭ كەيبىر تۇرلەرىنىڭ قۇندىلىعى 5،3 پايىزعا جەتكەن. سالىستىرمالى تۇردە ءقازىر KIGAM كومپانياسى اۋستراليادا وندىرەتىن ليتيي قۇندىلىعى 2،1 پايىزدى قۇرايدى.
ليتيي – ەلەكتروموبيلدەر يندۋسترياسى ءۇشىن ماڭىزدى مينەرالداردىڭ ءبىرى. بۇل ءونىم كولىكتەردىڭ اككۋمۋلياتورىن قۇراستىرۋدا اسا قاجەت.
