قىتاي كوممۋنيستٸك پارتيياسىنىڭ ەڭ جوعارى ماراپاتى – «1 شٸلدە» مەدالٸن يەلەنگەن ەتنيكالىق قازاق دەرٸگەر ۇقاش سٷلەيمەن تۋعان جەرٸ – شىڭجاڭنىڭ شەۋەشەك ايماعىنا قاراستى شاعانتوعاي اۋدانىنا ورالدى, دەپ حابارلايدى dalanews.kz.
ەلەۋمەتتٸك جەلٸلەردە تاراعان ۆيدەودا اۋىل تۇرعىندارىنىڭ تانىمال دەرٸگەردٸ ەرەكشە قۇرمەتپەن قارسى العانى كٶرٸنەدٸ. جارتى عاسىرعا جۋىق ۋاقىتىن حالىق دەنساۋلىعىنا ارناعان اق حالاتتى ابىزدى جەرلەستەرٸ زور قوشەمەتپەن كٷتٸپ الدى.
ۆيدەودا ۇقاش سٷلەيمەن بالالارعا جٷرەكجاردى تٸلەگٸن دە جەتكٸزگەن.
«بالاقايلار, امانسىڭدار ما? مەن شاعانتوعاي اۋدانىنانمىن. اتىم – وقاس. ٶزدەرٸڭە مىڭ شاقىرىم تىراق قۇرسام دا, مەنٸڭ كٶڭٸلٸم سەندەرمەن بٸرگە. مەن قىرىق جىل ٶمٸر بويى ات مٸنٸپ, ساحارادا جٷرٸپ حالىققا قىزمەت ەتتٸم. ٶزدەرٸڭدەي 3200 سەبيدٸڭ امان-ەسەن دٷنيەگە كەلۋٸنە سەبەپشٸ بولدىم. قانداي قاقاعان اياز بولسا دا, ماعان بٶگەت بولمادى. ٶيتكەنٸ “ادام بولۋ كەرەك” دەگەن ۇعىمدى جانىما بەرٸك ساقتادىم. سەندەر باتىرلاردىڭ ۇرپاعىسىڭدار. كەڭ ساحارادا تاي-قۇلىنداي اسىر سالىپ ٶسٸپ, باقتارىڭ اشىلسىن!» – دەيدٸ ول.
ەسكە سالايىق, جاقىندا قىتاي حالىق رەسپۋبليكاسىنىڭ تٶراعاسى سي تسزينپين ۇقاش سٷلەيمەنگە قىتاي كوممۋنيستٸك پارتيياسىنىڭ ەڭ جوعارى ماراپاتى – «1 شٸلدە» مەدالٸن تابىستادى. ول بۇل ماراپاتقا يە بولعان العاشقى ەتنيكالىق قازاق اتاندى.
ۇقاش سٷلەيمەن 1975 جىلدان بەرٸ شىڭجاڭداعى شالعاي اۋىلداردا دەرٸگەر بولىپ ەڭبەك ەتٸپ, اتپەن قاتىناپ مىڭداعان شاقىرىم جول جٷرٸپ, 100 مىڭنان استام ادامعا مەديتسينالىق كٶمەك كٶرسەتكەن. سونداي-اق 3200-دەن استام سەبيدٸڭ دٷنيەگە كەلۋٸنە كٶمەكتەسكەن. وسى ەڭبەگٸ ٷشٸن جەرگٸلٸكتٸ حالىق ونى «اق حالاتتى سالت اتتى دەرٸگەر» دەپ اتايدى.
