قازاقستاندا جول جٶندەۋ جۇمىستارى قىزۋ جٷرٸپ جاتقانىمەن, كەيبٸر جٷرگٸزۋشٸلەر قاۋٸپسٸزدٸك تالاپتارىن ەلەمەي, قارسى باعىتتاعى جولاققا شىعىپ, ٶزگە جول قوزعالىسىنا قاتىسۋشىلاردىڭ ٶمٸرٸنە قاۋٸپ تٶندٸرۋدە, دەپ حابارلايدى dalanews.kz.
ەلەۋمەتتٸك جەلٸلەردە تاراعان ۆيدەودا جول جٶندەۋ جٷرٸپ جاتقان ۋچاسكەدە كٶلٸك كەپتەلٸسٸ پايدا بولعانى كٶرٸنەدٸ. الايدا كەزەگٸن كٷتكٸسٸ كەلمەگەن بٸرنەشە جٷرگٸزۋشٸ قارسى باعىتتاعى جولاققا شىعىپ, قوزعالىستى قيىنداتقان. سونىڭ سالدارىنان جولدىڭ ەكٸ باعىتىندا دا كٶلٸكتەردٸڭ جٷرۋٸ قيىنداپ, كەپتەلٸس ودان ەرٸ ۇلعايعان.
مۇنداي جاعدايلار جاز مەزگٸلٸندە جيٸ قايتالانادى. سەبەبٸ دەل وسى كەزەڭدە ەلٸمٸزدٸڭ كٶپتەگەن ٶڭٸرٸندە رەسپۋبليكالىق جەنە وبلىستىق ماڭىزى بار اۆتوجولداردا جٶندەۋ جۇمىستارى جٷرگٸزٸلۋدە.
جول قاۋٸپسٸزدٸگٸ ماماندارىنىڭ ايتۋىنشا, جٶندەۋ جۇمىستارى كەزٸندە ۋاقىتشا جول بەلگٸلەرٸ مەن رەتتەۋشٸلەردٸڭ نۇسقاۋىن ساقتاۋ. ال قارسى جولاققا شىعۋ تەك جٷرگٸزۋشٸنٸڭ ٶزٸنە عانا ەمەس, قارسى باعىتتاعى كٶلٸكتەرگە دە ٷلكەن قاۋٸپ تٶندٸرەدٸ.
قازاقستان زاڭناماسىنا سەيكەس, قارسى قوزعالىس جولاعىنا زاڭسىز شىعۋ جٷرگٸزۋشٸ كۋەلٸگٸنەن ايىرۋعا دەيٸنگٸ جاۋاپكەرشٸلٸككە ەكەلۋٸ مٷمكٸن. بۇعان دەيٸن دە مۇنداي قۇقىق بۇزۋشىلىقتار ٷشٸن جٷرگٸزۋشٸلەر جاۋاپقا تارتىلعان.
جەلٸ قولدانۋشىلارى مۇنداي ەرەكەتتەردٸڭ سالدارىنان جول جٶندەۋ جۇمىستارىنىڭ ٶزٸ ۇزاققا سوزىلىپ, كەپتەلٸس ودان سايىن ۇلعاياتىنىن ايتىپ, جٷرگٸزۋشٸلەردٸ جول مەدەنيەتٸن ساقتاۋعا شاقىرۋدا.
