Keiingi birneshe kúnnen beri Ońtústik Koreiada jaǵdai shielenisip tur. Saiasi arenada úlken ózgerister bolýy da múmkin, - dep habarlaidy Dalanews.kz.
"Habar 24" telearnasy málimetinshe, Ońtústik Koreia parlamentinde prezidentke impichment jariialaý týraly zańǵa qatysty daýys berý 7 jeltoqsanǵa Astana ýaqytymen 15:00-ge belgilendi.
Impichment jariialaý úshin depýtattardyń úshten ekisiniń daýysy qajet. Demek 300 parlamentariidiń kemi 200-i qoldaýy tiis. Olar maquldasa, Iýn Sok Ioldiń ókilettigi birden toqtatylyp, onyń mindetin premer-ministr atqarady.
"Sońǵy sheshimdi konstitýtsiialyq sot qabyldaidy. Ol impichmentti qoldasa, 60 kún ishinde jańa sailaý ótetin bolady", - dep jazylǵan derekte.
Aita keteiik, 3 jeltoqsanda keshke Ońtústik Koreia prezidenti Iýn Sok El tótenshe áskeri jaǵdai jariialady.
Bul sheshim oppozitsiialyq Demokratiialyq partiia Parlamentte qysqartylǵan biýdjet týraly zań jobasyn qoldap, memlekettik aýditor men bas prokýrorǵa impichment jariialaý týraly ótinish bergennen keiin qabyldandy. Alaida Ońtústik Koreianyń Ulttyq Assambleiasy elde áskeri jaǵdai engizilýine qarsy daýys berdi.
Daýys berý kezinde Ulttyq assambleia ǵimaratynda áskeri jaǵdaidy joiýdy talap etken azamattar áskeri adamdarmen, politsiiamen qaqtyǵysyp qaldy. Seýl kóshelerinde áskeri tehnika paida boldy.
Keiin el prezidenti tótenshe áskeri jaǵdaidy alyp tastaitynyn málimdedi. Onyń aitýynsha, áskeri jaǵdaidaǵy ásker shyǵarylǵan, al jaqyn arada Úkimet otyrysy ótedi.
Qazaqstannyń Ońtústik Koreiadaǵy elshiligi qazaqstandyqtarǵa úndeý jasady.
«Koreia Respýblikasy prezidenti Iýn Sok El áskeri jaǵdai engizýine bailanysty Koreia Respýblikasynda júrgen Qazaqstan azamattaryn sabyr saqtap, jergilikti biliktiń usynystaryn oryndaýǵa jáne kópshilik is-sharalardan aýlaq bolýǵa shaqyramyz», — dep jazylǵan habarlamada.
Qazaqstan azamattary tótenshe jaǵdai kezinde jedel bailanys úshin myna nómirlerge habarlasa alady: +8210-6572-9311.
