«Elbasymyz árdaiym óziniń halyqqa arnaǵan Joldaýlarynda jastardyń bilimdi de, básekege qabiletti bolý kerektigin únemi aityp keledi. Mine, osy maqsatta «Bolashaq» halyqaralyq stipendiiasy quryldy. Atalǵan baǵdarlama aiasynda álemniń 35-ten astam elinde 12 myńnan astam qazaqstandyq azamat bilim aldy. Búginde baǵdarlama boiynsha bilim alǵan 300-den astam ońtústikqazaqstandyq jas elimizdiń ekonomikalyq damýyna óz úlesterin qosýda. Halyq sany jaǵynan kósh basynda turǵan óńirimiz, «Bolashaq» baǵdarlamasyna qatysý boiynsha da birinshi orynda bolý kerek dep oilaimyn. Al, biliktilikti arttyryp, bilimdi jetildire túsýge kelgende mundai tájiribe almasý kórmesiniń róli orasan dep bilemin», - dedi Janseiit Qanseiituly.
Kórmege AQSh, Ulybritaniia, Eýropa men Aziia jáne TMD elderiniń 83 joǵary oqý oryndary, til úiretý mektepteri men bilim agenttikteri qatysty. Olar shara barysynda shet tilderinde erkin sóileitin, qabiletti jastardy oqýǵa shaqyrdy. Kórmege birinshi kúnniń ózinde shetelde oqýdy armandaityn 4 myńnan astam jas keldi.
«Halyqaralyq bilim berý – 2018» kórmesi aiasynda qazaqstandyq jáne sheteldik joǵary oqý oryndarynyń men bilim agenttikteri arasynda kezdesý uiymdastyryldy. Onda «Bolashaq» baǵdarlamasyn paidalaný aýqymyn keńeitý jaiy sóz boldy. Mamandar pikirinshe shetelderde bilim alatyn qazaqstandyq stýdentterdiń sany jospardaǵydan aitarlyqtai az.
«Búginde shetelge baryp bilim alýǵa nietti azamattardyń sany óte az. Sebebi, halyq «Bolashaq» baǵdarlamasy týraly aqparatpen qanyqpaǵan dep oilaimyn. Osy máseleni sheshý maqsatynda álemniń damyǵan elderinen jáne otandyq joǵary oqý orynnyń ókilderin shaqyryp, osyndai bilim kórmesin uiymdastyryp otyrmyz. Maqsatymyz – ózge elge baryp bilim alatyndardyń qataryn kóbeitý. Qazirgi tańda ózge elderde oqityn jastardyń 85 paiyzy Astana, Almaty qalalaryna tiesili. Endi ońtústikqazaqstandyq jastardyń sanyn arttyrsaq degen jospar bar», - dedi «Halyqaralyq baǵdarlamalar ortalyǵy» AQ-nyń Prezidenti Janbolat Meldeshov.
Aita keteiik, atalǵan shara «Rixos Khadisha Shymkent» qonaq úiinde 22 - 23 qańtar kúnderi ótýde.
OQO ákiminiń baspasóz qyzmeti
