– Jahandyq jańartylǵan energiia kózderin qoldanýdy investorlar arqyly júzege asyrý bizdiń basty baǵyttarymyzdyń biri. Osyǵan bailanysty, Tólebi aýdanynda qýaty 2,5 MVt «Keńes» shaǵyn sý elektr stantsiiasynyń qurylysy. Saryaǵash aýdanynda jalpy qýaty 5 MVt bolatyn eki shaǵyn sý elektr stantsiiasy, sonymen birge «Jylǵa» aýylynda qýaty 20 MVt kún elektr stantsiiasynyń qurylysy bastalady. Bul elektr stantsiiasy kún energiiasynan óndirilgen elektr energiiany temirjol kóligi salasynda paidalanatyn álemdegi eń alǵashqy joba bolyp tabylady. Budan bólek, Jetisai qalasy mańynda kún elektr stantsiiasy qurylysyn júrgizý josparda tur. Jobaǵa 10,7 ga jer bólingen, qýaty 4,8 MVt. Sonymen qatar, Báidibek aýdanynda qýaty 40 MVt jáne Otyrar aýdanynda jalpy qýaty 135 MVt kún elektr stantsiialary boi kóteredi, – dedi J.Túimebaev.
Óndiristi damytýǵa qolaily jaǵdai jasap, oblys turǵyndaryn qajetti infraqurylymmen qamtý basty baǵyttaǵy jumystardyń biri ekenin aitqan óńir basshysy elektrmen qamtý salasy boiynsha 13 nysannyń qurylysy júrgiziletinin atap ótti. Nátijesinde oblystaǵy 686 eldi meken turǵyndary sapaly elektrdi tutynatyn bolady.
Sonymen birge ákim taza aýyz sýmen qamtamasyz etý salasynda 39 joba iske asyrylyp, sý qubyry múldem joq 13 eldi mekenge jańa aýyz sý qubyrlary salynyp, qamtylǵan eldi mekender sany 636-ǵa jetetinin aitty.
Esepti jiynda málim bolǵandai oblysta tabiǵi gazben qamtamasyz etý salasynda 67 nysannyń qurylysy júrgizilip, 42 eldi mekenge, iaǵni, 60,3 myń turǵynǵa tabiǵi gaz jetkiziletin bolady. Bul oblystaǵy jalpy 386 aýyldy, nemese turǵyndardyń 46,2 paiyzyn qamtamasyz etý degen sóz.
OQO ákiminiń baspasóz qyzmeti
https://dalanews.kz/34093
