– جاھاندىق جاڭارتىلعان ەنەرگييا كٶزدەرٸن قولدانۋدى ينۆەستورلار ارقىلى جٷزەگە اسىرۋ بٸزدٸڭ باستى باعىتتارىمىزدىڭ بٸرٸ. وسىعان بايلانىستى, تٶلەبي اۋدانىندا قۋاتى 2,5 مۆت «كەڭەس» شاعىن سۋ ەلەكتر ستانتسيياسىنىڭ قۇرىلىسى. سارىاعاش اۋدانىندا جالپى قۋاتى 5 مۆت بولاتىن ەكٸ شاعىن سۋ ەلەكتر ستانتسيياسى, سونىمەن بٸرگە «جىلعا» اۋىلىندا قۋاتى 20 مۆت كٷن ەلەكتر ستانتسيياسىنىڭ قۇرىلىسى باستالادى. بۇل ەلەكتر ستانتسيياسى كٷن ەنەرگيياسىنان ٶندٸرٸلگەن ەلەكتر ەنەرگييانى تەمٸرجول كٶلٸگٸ سالاسىندا پايدالاناتىن ەلەمدەگٸ ەڭ العاشقى جوبا بولىپ تابىلادى. بۇدان بٶلەك, جەتٸساي قالاسى ماڭىندا كٷن ەلەكتر ستانتسيياسى قۇرىلىسىن جٷرگٸزۋ جوسپاردا تۇر. جوباعا 10,7 گا جەر بٶلٸنگەن, قۋاتى 4,8 مۆت. سونىمەن قاتار, بەيدٸبەك اۋدانىندا قۋاتى 40 مۆت جەنە وتىرار اۋدانىندا جالپى قۋاتى 135 مۆت كٷن ەلەكتر ستانتسييالارى بوي كٶتەرەدٸ, – دەدٸ ج.تٷيمەباەۆ.
ٶندٸرٸستٸ دامىتۋعا قولايلى جاعداي جاساپ, وبلىس تۇرعىندارىن قاجەتتٸ ينفراقۇرىلىممەن قامتۋ باستى باعىتتاعى جۇمىستاردىڭ بٸرٸ ەكەنٸن ايتقان ٶڭٸر باسشىسى ەلەكترمەن قامتۋ سالاسى بويىنشا 13 نىساننىڭ قۇرىلىسى جٷرگٸزٸلەتٸنٸن اتاپ ٶتتٸ. نەتيجەسٸندە وبلىستاعى 686 ەلدٸ مەكەن تۇرعىندارى ساپالى ەلەكتردٸ تۇتىناتىن بولادى.
سونىمەن بٸرگە ەكٸم تازا اۋىز سۋمەن قامتاماسىز ەتۋ سالاسىندا 39 جوبا ٸسكە اسىرىلىپ, سۋ قۇبىرى مٷلدەم جوق 13 ەلدٸ مەكەنگە جاڭا اۋىز سۋ قۇبىرلارى سالىنىپ, قامتىلعان ەلدٸ مەكەندەر سانى 636-عا جەتەتٸنٸن ايتتى.
ەسەپتٸ جيىندا مەلٸم بولعانداي وبلىستا تابيعي گازبەن قامتاماسىز ەتۋ سالاسىندا 67 نىساننىڭ قۇرىلىسى جٷرگٸزٸلٸپ, 42 ەلدٸ مەكەنگە, ياعني, 60,3 مىڭ تۇرعىنعا تابيعي گاز جەتكٸزٸلەتٸن بولادى. بۇل وبلىستاعى جالپى 386 اۋىلدى, نەمەسە تۇرعىنداردىڭ 46,2 پايىزىن قامتاماسىز ەتۋ دەگەن سٶز.
وقو ەكٸمٸنٸڭ باسپاسٶز قىزمەتٸ
https://dalanews.kz/34093
