Osy jiynda sóz alǵan saiasatker Mihail Saakashvili Tuńǵysh Prezidentke "kórnekti halyqaralyq qairatker" degen baǵa berdi.
"Ol oiyndaǵy ideiany júzege asyra biledi. Árdaiym nátijege jetýdi kózdeidi, maqsatyna jetýde árkez tabandylyq tanytady. Nursultan Ábishuly HH-HHI ǵasyrdaǵy el nazaryn aýdarǵan memlekettik qairatkerlerdiń bestigine kiredi", – dep sipattaǵan eken Saakashvili Nazarbaevty.
"Nazarbaevty ózgelerden ereksheleitin úsh qasieti – ádildigi, danalyǵy jáne parasattylyǵy", – dep alyp-qosypty osy jiynda Saakashvili.
Onyń aitýynsha Nazarbaevtyń saiasi kúsh-qýatyn sarqi qoimaǵan, shapshań shaǵynda bilikten ketýi Tuńǵysh Prezidenttiń tulǵalyq tuǵyryn odan saiyn aishyqtai túsken.
"Nazarbaevtyń isi tarihta qalady. Onyń sońyndaǵy mura berik irgetastan turady", – deidi saiasatker.
Ýkrainanyń eks-prezident Leonid Kýchma da Nazarbaevqa jyly lebizin joldap, mereitoiymen quttyqtapty.
"Biz úshin siz qabyrǵasyn qalaǵan táýelsiz Qazaqstannyń gúldenýin, kórkeiýin kórý eń úlken syi. Táýelsiz Qazaqstan men Sizdiń esimińiz ajyramas uǵym", –dep jazylypty quttyqtaý hatta.
