Eks-máslihat depýtaty Muhtar Esjanov "Abay Live" arnasyna bergen suhbatynda Nazarbaevty ne úshin jamandai almaitynyn ashyq aitty. Esjanov 2000 jyldary Joǵary sot sýdiasy bolǵan, Aqtóbe, Qyzylorda oblystarynyń sottaryn basqarǵan, - dep habarlaidy Dalanews.kz.
Baǵdarlama málimetinshe, Esjanov stýdent kezinde-aq Nazarbaevtyń erekshe kózine túsken, aldynan ótken, batasyn alǵan. Sodan bolar eks-depýtat Nazarbaevty jamandyqqa qimaityn syńaily.
"Kópshiliktiń aityp jatqan kemshilikterine, kópshiliktiń aityp jatqan pálenbai milliard qarjy jeke basqa ketip qalǵany jaǵyna qosylamyn. Óitkeni kóp degen - aina. Biraq ol kisiniń de jaqsylyǵy boldy. Baiqaisyzdar ma, ol kisi artyq ketip jatsa da Qasym-Jomart Kemeluly ol týraly bir aýyz jaman sóz aitqan joq. Bul tektilik deidi.
Nazarbaev týraly qalai jaman aitamyn?! Men jaqsylyǵyn ózim kórdim. Jamandyǵyn ózim kórgen joqpyn.
Joǵary sotqa jibergen de sol kisi. Adamnyń jaqsylyǵyn aita bilý de erlik. Ony aitý kerek. Ol da adami qasiet. Endi kemshilik barlyq adamda bar. Árine, ol jalǵyz ózi emes, qasynda ortasy boldy. Qazaqta "professordy aparyp, eki jyl alqashtardyń arasyna qoisań, professordyń ózi jargonmen sóileidi. Alqashty professordyń arasyna aparyp qoisań, eki jyldan keiin Niýtonnyń tartylysyn kúshin aityp otyrady" deidi.
Orta bul jerde. Jalǵyz Nazarbaev búldirgen joq. Ainalasyndaǵy azamattar", - deidi ol.
