ەكس-ماسليحات دەپۋتاتى مۇحتار ەسجانوۆ "Abay Live" ارناسىنا بەرگەن سۇحباتىندا نازاربايەۆتى نە ءۇشىن جامانداي المايتىنىن اشىق ايتتى. ەسجانوۆ 2000 جىلدارى جوعارى سوت سۋدياسى بولعان، اقتوبە، قىزىلوردا وبلىستارىنىڭ سوتتارىن باسقارعان، - دەپ حابارلايدى Dalanews.kz.

باعدارلاما مالىمەتىنشە، ەسجانوۆ ستۋدەنت كەزىندە-اق نازاربايەۆتىڭ ەرەكشە كوزىنە تۇسكەن، الدىنان وتكەن، باتاسىن العان. سودان بولار ەكس-دەپۋتات نازاربايەۆتى جاماندىققا قيمايتىن سىڭايلى.

"كوپشىلىكتىڭ ايتىپ جاتقان كەمشىلىكتەرىنە، كوپشىلىكتىڭ ايتىپ جاتقان پالەنباي ميلليارد قارجى جەكە باسقا كەتىپ قالعانى جاعىنا قوسىلامىن. ويتكەنى كوپ دەگەن - اينا. ءبىراق ول كىسىنىڭ دە جاقسىلىعى بولدى. بايقايسىزدار ما، ول كىسى ارتىق كەتىپ جاتسا دا قاسىم-جومارت كەمەل ۇلى ول تۋرالى ءبىر اۋىز جامان ءسوز ايتقان جوق. بۇل تەكتىلىك دەيدى.

نازاربايەۆ تۋرالى قالاي جامان ايتامىن؟! مەن جاقسىلىعىن ءوزىم كوردىم. جاماندىعىن ءوزىم كورگەن جوقپىن.

جوعارى سوتقا جىبەرگەن دە سول كىسى. ادامنىڭ جاقسىلىعىن ايتا ءبىلۋ دە ەرلىك. ونى ايتۋ كەرەك. ول دا ادامي قاسيەت. ەندى كەمشىلىك بارلىق ادامدا بار. ارينە، ول جالعىز ءوزى ەمەس، قاسىندا ورتاسى بولدى. قازاقتا "پروفەسسوردى اپارىپ، ەكى جىل القاشتاردىڭ اراسىنا قويساڭ، پروفەسسوردىڭ ءوزى جارگونمەن سويلەيدى. القاشتى پروفەسسوردىڭ اراسىنا اپارىپ قويساڭ، ەكى جىلدان كەيىن نيۋتوننىڭ تارتىلىسىن كۇشىن ايتىپ وتىرادى" دەيدى.

ورتا بۇل جەردە. جالعىز نازاربايەۆ بۇلدىرگەن جوق. اينالاسىنداعى ازاماتتار"، - دەيدى ول.