Túrkistan oblysy ákimdiginiń baspasóz qyzmeti
«Ónerli ólke» oblystyq óner festivali aiasynda Kentaý qalasynyń mádeniet kúnderi óz máresine jetti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
«Ónerli ólke» oblystyq óner festivali aiasynda Kentaý qalasynyń mádeniet kúnderi óz máresine jetti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan tórindegi shara gala-kontsertpen qorytyndylandy. Merekelik sharanyń ashylýynda qala ákimi Jandos Tasov izgi tilegin arnap, óńirdiń rýhani damýy aiasyndaǵy igi sharanyń mańyzdylyǵyn atap ótti. Kentaý jurtshylyǵy úshin oblys ortalyǵynda ulttyq qundylyqtardy nasihattaý úlken maqtanysh ekenine airyqsha toqtaldy.
Merekelik shara ári qarai kontserttik baǵdarlamaǵa ulasty. Sharany Túrkistan teatrynyń myqty maitalmandary Aqsultan Ánýarbek, Gúlzada Aitbaeva júrgizip, merekelik keshtiń ajaryn asha tústi. Qala ónerpazdarynan bólek, estrada juldyzdary da belsene atsalysty.
Barlyǵy jandy daýysta kórermenge óner kórsetti. Qalalyq Sh.Qaldaiaqov atyndaǵy mádeniet úiiniń ánshileri men elimizge tanymal jaryq juldyzdary AqbotaNur Seitmahanbetova, Kayl Rýh laqap atymen tanylǵan juldyzdar óz ónerlerin pash etip, myń buralǵan bishiler kópshiliktiń qoshemetine bólendi.
Sondai-aq, kórermen arasynda karaokede Kentaý qalasynan shyqqan kompazitorlardyń ánderin shyrqap, keshtiń sánin keltirdi. Erekshe sáttiń kýási bolǵan kórermen dán rizashylyqtaryn bildirip, keshten qimai tarqasty.
Búgingi shara «Bereke bastaýy» aýyl sharýashylyq ónimderi, konditerlik jáne taǵy basqa ónimderdiń jármeńkesinen bastaý aldy. «Jańa baǵyt» zamanaýi qolóner túrleri kópshilikke kórsetildi. Onyń ishinde Kentaý qalasynda suranysqa ie robototehnika qurylǵylary, apparatpen aǵash kesý, gipstan túrli dúnie jasaý sekildi týyndylar bar.
Búginde Kentaýda jetistigi mol sýret kórmesi jáne «Men kásipker bolamyn» balalardyń kórme-jármeńkesi saltanat qurdy. Kópshilikti tánti etken balalardyń óneri kópke úlgi.
Alaman alańda «Dala dúbiri» ulttyq sporttyq oiyndarda turǵyndar saiysqa tústi. Etnoaýylda ulttyq sport túrlerin nasihattaý maqsatynda asyq atý, qoi kóterý, nysana dáldeý, qazaqsha kúres, qol kúres, toǵyzqumalaqtan tartysty saiystar ótkizilip, karate-do-shotokan, kórkem gimnastika sheberleri kórermenderdi ónerlerimen tamsandyrdy. Jarys qorytyndysymen jeńimpazdar uiymdastyrýshylar tarapynan diplom jáne estelik syilyqtarmen marapattaldy.
Etnoaýyl sahnasynda «Balalyqtyń aspany» Kentaý qalasy oqýshylar úiiniń jáne saz mektebiniń kontserttik baǵdarlamasy ótkizildi. Onda ásem áýender shyrqalyp, myń buralǵan bishiler túrli janrda bi bilep, kórermenge kóterińki kóńil kúi syilady. Aǵa býyndar búldirshindermen birge batpyraýyq ushyryp, balalar álemine saiahat jasady.
