QR ónerkásip jáne qurylys ministri Ersaiyn Naǵaspaev Soltústik Qazaqstan oblysyna jumys saparymen keldi, dep habarlaidy Dalanews.kz
QR ónerkásip jáne qurylys ministri óńirdiń óndiristik áleýetimen tanysyp, perspektivalyq investitsiialyq jobalardyń iske asý barysymen tanysyp, oblys ortalyǵyndaǵy jetekshi kásiporyndardy aralady. Kirov atyndaǵy zaýytta, PZTM jáne «CT Assembly» kásiporyndarynda ministr innovatsiialyq tehnologiialarmen tanysty. Keiin «ZIKSTO» zaýytyna baryp, vagon óndirý úshin jańa ǵimarattyń qurylysyn baqylady.
Qaǵaz ónimderi fabrikasynda zamanaýi óndiris protsesteri tanystyrylyp, osy sektordyń odan ári damýy talqylandy. Innovatsiialyq jylyjaidy aralaý barysynda «Radýga» tehnoekoparkin qurý jobasy tanystyryldy. Bul joba oblystyń ekologiialyq infraqurylymynyń mańyzdy bóligi bolyp, turmystyq qaldyqtardy qaita óńdeýge baǵyttalǵan.
Sonymen qatar, Ersaiyn Naǵaspaev «Qyzyljar» arnaiy ekonomikalyq aimaǵynyń 3-shi sýbaimaǵynda bolyp, munda júzege asyp jatqan «KazCrane Engineering», «Qilu Agro», «Beikerton» jáne «Eco Glade» siiaqty investitsiialyq jobalar jáne infraqurylymnyń salynýymen tanysty.
"Kótergish qondyrǵylardy, aýyl sharýashylyǵy tehnikasy, nan-toqash ónimderin shyǵarý men sańyraýqulaq fermasyn iske qosý óńirdiń ekonomikalyq áleýetin jaqsartyp, jańa jumys oryndaryn ashýǵa múmkindik beredi", - dep jazdy óńir basshysy Ǵaýez Nurmuhambetov áleýmettik jelide.
