Zamanaýi úlgidegi aqyldy syrtqy jaryqtandyrý júiesiniń jaryqshamdary ylǵalǵa, kez-kelgen aýa-raiyna tózimdi keledi. Elektr jaryǵyn tutynýda únemdi ári ony qashyqtan basqaryp otyrýǵa bolady.
Búginde qala kóshelerinde sondai-aq, beinebaqylaý kameralary da ornatylǵan. Bul quraldar turǵyndardyń qaýipsizdigin qamtamasyz etý maqsatynda qoiylǵan.
Sonymen qatar shuǵyl jaǵdai oryn ala qalǵan kezde tártip saqshylarynyń jedel áreket jasaýyna septigin tigizedi. Degenmen baqylaý kameralary qalanyń sanaýly kóshelerinde ǵana kezdesedi. Al, barlyq kóshege ornatý máselesi qarjyǵa kelip tireledi. Sondyqtan pilotty jobada usynylǵan jaryq jelisi áli qarastyrylatyn bolady.
– Zamanaýi úlgidegi syrtqy jaryqtandyrý júiesiniń jaryqshamdary ylǵalǵa, kez-kelgen aýa-raiyna tózimdi bolǵany durys. Onyń ústine elektr jaryǵyn tutynýda únemdi bolǵany da qolaily. Bastysy – Túrkistan túnderi jaryq ári qaýipsiz bolýy kerek, – dedi Ómirzaq Estaiuly.
Qala basshylyǵynyń aitýynsha, aldaǵy ýaqytta Túrkistan kóshelerinde syrtqy jaryqtandyrý jelisi múmkindiginshe jańartylady. Jyl sońyna deiin kósheniń 24 paiyzy jaryqshamdarmen qamtylady dep kútilýde.
Aimaq basshysy bul kúni oblys ortalyǵynda jańadan boi kótergen «Aqjaiyq» mýzykalyq mektebinde de boldy.
Batys Qazaqstan oblysy tartý etken eki qabatty ǵimarattyń qurylys jumysy qazir tolyq aiaqtalǵan. Dizainy erekshe úlgide salynǵan nysan jaqyn arada paidalanýǵa berilmek.
Mýzykalyq mekteptiń 550 orynǵa eseptelgen kontsert zaly, konferents zaly, orkestrlik bólmeleri jáne demalys aimaǵy bar. Al, qabyrǵalary joǵary sapaly akýstikalyq panelmen qaptalǵan. Óner shańyraǵy barlyq mýzykalyq aspaptarmen de qamtylǵan.
Túrkistan oblysy ákiminiń baspasóz qyzmeti
Taǵyda oqyńyz
https://dalanews.kz/47772
