تۇركىستان وبلىسىنىڭ اكىمى  ءومىرزاق شوكەيەۆ كۇن باتقاندا شاھاردى ارالاپ، تۇنگى ۋاقىتتاعى قالانىڭ تىرشىلىگىمەن تانىستى. ايماق باسشىسى شاھارداعى  ەكى شاقىرىم جەردە جاڭادان ورناتىلعان جارىقتاندىرۋ جەلىسىنىڭ قۇرىلىسىن كورىپ، ەرەكشەلىكتەرىنەن حاباردار بولدى.

زاماناۋي ۇلگىدەگى اقىلدى سىرتقى جارىقتاندىرۋ جۇيەسىنىڭ  جارىقشامدارى ىلعالعا، كەز-كەلگەن اۋا-رايىنا ءتوزىمدى كەلەدى. ەلەكتر جارىعىن تۇتىنۋدا ۇنەمدى ءارى ونى قاشىقتان باسقارىپ وتىرۋعا بولادى.

بۇگىندە قالا كوشەلەرىندە سونداي-اق، بەينەباقىلاۋ كامەرالارى دا ورناتىلعان. بۇل قۇرالدار تۇرعىنداردىڭ قاۋىپسىزدىگىن قامتاماسىز ەتۋ  ماقساتىندا قويىلعان.

سونىمەن قاتار شۇعىل جاعداي ورىن الا قالعان كەزدە  ءتارتىپ ساقشىلارىنىڭ جەدەل ارەكەت جاساۋىنا سەپتىگىن تيگىزەدى. دەگەنمەن باقىلاۋ كامەرالارى قالانىڭ ساناۋلى كوشەلەرىندە عانا كەزدەسەدى. ال، بارلىق كوشەگە ورناتۋ ماسەلەسى  قارجىعا كەلىپ تىرەلەدى. سوندىقتان پيلوتتى جوبادا ۇسىنىلعان جارىق جەلىسى ءالى قاراستىرىلاتىن بولادى.

– زاماناۋي ۇلگىدەگى سىرتقى جارىقتاندىرۋ جۇيەسىنىڭ جارىقشامدارى ىلعالعا، كەز-كەلگەن اۋا-رايىنا ءتوزىمدى بولعانى دۇرىس. ونىڭ ۇستىنە ەلەكتر جارىعىن تۇتىنۋدا ۇنەمدى بولعانى دا قولايلى. باستىسى – تۇركىستان تۇندەرى جارىق ءارى ءقاۋىپسىز بولۋى كەرەك، – دەدى ءومىرزاق ەستاي ۇلى.

قالا باسشىلىعىنىڭ ايتۋىنشا، الداعى ۋاقىتتا تۇركىستان كوشەلەرىندە سىرتقى جارىقتاندىرۋ جەلىسى مۇمكىندىگىنشە جاڭارتىلادى. جىل سوڭىنا دەيىن كوشەنىڭ 24 پايىزى جارىقشامدارمەن قامتىلادى دەپ كۇتىلۋدە.

ايماق باسشىسى بۇل كۇنى وبلىس ورتالىعىندا جاڭادان بوي كوتەرگەن «اقجايىق»  مۋزىكالىق مەكتەبىندە دە بولدى.

باتىس قازاقستان وبلىسى تارتۋ ەتكەن ەكى قاباتتى عيماراتتىڭ قۇرىلىس جۇمىسى ءقازىر تولىق اياقتالعان. ديزاينى ەرەكشە ۇلگىدە سالىنعان نىسان جاقىن ارادا پايدالانۋعا بەرىلمەك.

مۋزىكالىق مەكتەپتىڭ 550 ورىنعا ەسەپتەلگەن كونسەرت زالى، كونفەرەنس زالى، وركەسترلىك بولمەلەرى جانە دەمالىس ايماعى بار. ال، قابىرعالارى جوعارى ساپالى اكۋستيكالىق پانەلمەن قاپتالعان. ونەر شاڭىراعى بارلىق مۋزىكالىق اسپاپتارمەن دە قامتىلعان.

 

تۇركىستان وبلىسى اكىمىنىڭ باسپا ءسوز قىزمەتى

 

تاعىدا وقىڭىز

https://dalanews.kz/47772