Eki memlekettiń 30 jyldyq dostyq qarym-qatynasy aiasynda ótken kezekti investitsiialyq forýmǵa onlain formatta qatysqan Túrkistan oblysy ákimi Ómirzaq Shókeev óńir áleýetine basymdylyq berdi.
Jiynǵa qatysýshy AQSh, Birikken Arab Ámirlikteri men Germaniianyń halyqaralyq sarapshylaryn oblystyń memleket boiynsha investitsiia tartýda alǵy qatarda bolýynyń sebepterin de atap ótti.
2020 jyly Germaniia, Litva, Ýkraina, Polsha, Latviia, Estoniia, Túrkiia, Moldova, Ortalyq Aziia men TMD-ǵa kórshiles elderdiń naryǵyna ońtailandyrylǵan eksportpen 1,8 milliard AQSh dollary somasyna aýyl sharýashylyǵy ónimin shyǵara bilgen Túrkistan óńiriniń amerikalyq naryqqa da daiar ekenin jáne osy baǵytta qyzyǵýshylyq tanytýshylar tabylatynyna senim bildirdi.
Eýraziia jaýhary ornalasqan Túrkistan qalasyn týrizm ortalyǵy retinde qalyptastyrý sheshimin qabyldaǵan Tuńǵysh Prezident – Elbasy Nursultan Ábishulynyń yqpalymen atqarylǵan úsh jyldyq jumys jemisimen tanystyryp ótken óńir basshysy, qazirgi kezeń – jergilikti týrizm salasyna qyzyǵýshylyq tanytýdyń eń ońtaily kezeńi ekenin de aityp ótti.
Aita keteiik, 14-17 maýsym aralyǵynda QR Syrtqy ister ministrligi, Qazaqstan Respýblikasynyń AQSh-taǵy Elshiligi, "KAZAKH INVEST "UK" AQ jáne AQSh Saýda-ónerkásiptik palatasy onlain formatta uiymdastyrǵan Qazaqstan-Amerika ekonomikalyq forýmy ótýde.
