Týrizm jáne sport ministri Ermek Marjyqpaev Parij Olimpiadasyna ázirlik barysy máz emes ekenin aitty, dep habarlaidy Dalanews.kz.
Bairaqty básekege utyp alynǵan litsenziianyń sany da jyldaǵydan az bolyp tur.
«Parijdegi XXXIII jazǵy Olimpiada oiyndaryna Qazaqstan quramasy sporttyń 18-20 túrinen qatysýdy josparlap otyr. Osy tusta aita ketý kerek, biyl Olimpiadaǵa arnaiy qarajat qaralǵan joq. Byltyrǵy qarajatpen shyǵyp jatyrmyz», - dedi jaýapty sheneýnik.
Onyń sózine qaraǵanda, Qazaqstan quramasynyń qolynda qazir sporttyń 13 túri boiynsha 33 litsenziia ǵana bar.
«Bizden bári qansha júlde alatynymyzdy suraidy. Shynyn aitqanda, jaǵdaiymyz asa máz deýge kelmeidi. Óitkeni Tokio Olimpiadasynyń aldynda bizde 45 litsenziia bolǵan. Biylǵy jumystarymyz osyndai bolyp tur.
Ulttyq qurama Olimpiadaǵa deiin taǵy 40-tan astam litsenziialyq jáne reitingtik jarystarǵa qatysady. Qoldan kelgenshe, litsenziianyń sanyn arttyrýǵa kúsh salamyz», - dedi ol.
