Ol Taraz qalasyndaǵy №82 referendým ýchaskesine kelip daýys berdi. Memleket úshin mańyzdy oqiǵada azamattyq paryzyn oryndaǵan sportshy óz otandastarynyń daýysy keleshek úshin airyqsha mánge ie ekenin atap ótti.
"Búgingi referendým barsha qazaqstandyqtar úshin mańyzdy oqiǵa. Atom elektr stantsiiasyn salý nemese salmaý týraly tańdaýdy halyqtyń ózi jasap jatqanyn jón dep sanaimyn. Óz otandastarymdy óz tańdaýlaryn jasaýǵa shaqyramyn. Sebebi eldiń bolashaǵy qashan da halyqtyń qolynda. Men de qarapaiym halyqtyń qataryndaǵy azamatpyn. Meniń de daýysym mańyzdy dep oilaimyn. Búgin óz tańdaýymdy jasadym",- dedi chempion.
Aita keteiik, buǵan deiin Óskemen qalasynda Olimpiadanyń úsh dúrkin júldegeri Olga Rypakova referendýmda daýys bergeni týraly habarlaǵan edik.
"Búgin ádettegidei ózimniń azamattyq pozitsiiamdy bildirý úshin osynda keldim. Sál aýyryńqyrap tursam da sailaý ýchaskesine kelip, daýys berdim. Sebebi elimniń patrioty bolǵandyqtan, osyndai mańyzdy referendýmnan qalys qalmaýym kerek. Bul barsha qazaqstandyqtardyń mindeti dep esepteimin", – dep jaýap berdi qazaqstandyq jeńil atlet Kazinform agenttigine.
