ول تاراز قالاسىنداعى №82 رەفەرەندۋم ۋچاسكەسٸنە كەلٸپ داۋىس بەردٸ. مەملەكەت ٷشٸن ماڭىزدى وقيعادا ازاماتتىق پارىزىن ورىنداعان سپورتشى ٶز وتانداستارىنىڭ داۋىسى كەلەشەك ٷشٸن ايرىقشا مەنگە يە ەكەنٸن اتاپ ٶتتٸ.
"بٷگٸنگٸ رەفەرەندۋم بارشا قازاقستاندىقتار ٷشٸن ماڭىزدى وقيعا. اتوم ەلەكتر ستانتسيياسىن سالۋ نەمەسە سالماۋ تۋرالى تاڭداۋدى حالىقتىڭ ٶزٸ جاساپ جاتقانىن جٶن دەپ سانايمىن. ٶز وتانداستارىمدى ٶز تاڭداۋلارىن جاساۋعا شاقىرامىن. سەبەبٸ ەلدٸڭ بولاشاعى قاشان دا حالىقتىڭ قولىندا. مەن دە قاراپايىم حالىقتىڭ قاتارىنداعى ازاماتپىن. مەنٸڭ دە داۋىسىم ماڭىزدى دەپ ويلايمىن. بٷگٸن ٶز تاڭداۋىمدى جاسادىم",- دەدٸ چەمپيون.
ايتا كەتەيٸك, بۇعان دەيٸن ٶسكەمەن قالاسىندا وليمپيادانىڭ ٷش دٷركٸن جٷلدەگەرٸ ولگا رىپاكوۆا رەفەرەندۋمدا داۋىس بەرگەنٸ تۋرالى حابارلاعان ەدٸك.
"بٷگٸن ەدەتتەگٸدەي ٶزٸمنٸڭ ازاماتتىق پوزيتسييامدى بٸلدٸرۋ ٷشٸن وسىندا كەلدٸم. سەل اۋىرىڭقىراپ تۇرسام دا سايلاۋ ۋچاسكەسٸنە كەلٸپ, داۋىس بەردٸم. سەبەبٸ ەلٸمنٸڭ پاتريوتى بولعاندىقتان, وسىنداي ماڭىزدى رەفەرەندۋمنان قالىس قالماۋىم كەرەك. بۇل بارشا قازاقستاندىقتاردىڭ مٸندەتٸ دەپ ەسەپتەيمٸن", – دەپ جاۋاپ بەردٸ قازاقستاندىق جەڭٸل اتلەت Kazinform اگەنتتٸگٸنە.
