Mańǵystaý oblysynyń prokýratýrasy Kaspii teńizi jaǵalaýyndaǵy 3,4 myń gektar jer ýchaskesi jeke tulǵaǵa zańsyz berilgenin anyqtady, - dep habarlaidy Dalanews.kz.
Kenderli qumqaiyry dep atalatyn bul ýchaske oblystyń basty kórikti jerleriniń biri sanalady.
Jerdiń satylý tarihy 2007 jyly bastalǵan. Jer ýchaskesi "Mańǵystaýmunaigaz" AQ-na saýyqtyrý keshenin salý úshin 3,1 milliard teńgege satylyp, keiin "Gelios" JShS-ne 3,3 milliard teńgege qaita satylǵan.
Jer ýchaskesi Jer kodeksiniń talaptaryn buza otyryp, zańsyz berilgen. Óitkeni jer komissiiasynyń otyrysy ótkizilmegen, sondai-aq, jer ýchaskesine jerge ornalastyrý jobasy bekitilmegen. Osylaisha, jer ýchaskesin berýdiń jalpy tártibi buzylǵan.
Oblys prokýratýrasynyń qadaǵalaý aktisiniń negizinde ýákiletti organ satyp alý-satý sharttaryn jaramsyz dep taný týraly sotqa talap-aryz engizdi. Ekonomikalyq sottyń sheshimimen talap qoiýshynyń talaptary tolyq kólemde qanaǵattandyryldy.
Búginde jer ýchaskesiniń kadastrlyq quny 30 milliard teńgeden asady.
prokadrykz málimetinshe, "Gelios" JShS Rashit Sársenovtyń otbasyna tiesili. Ol Forbes Kazakhstan-daǵy bai biznesmender reitinginde segizinshi orynda tur.
