ماڭعىستاۋ وبلىسىنىڭ پروكۋراتۋراسى كاسپيي تەڭٸزٸ جاعالاۋىنداعى 3,4 مىڭ گەكتار جەر ۋچاسكەسٸ جەكە تۇلعاعا زاڭسىز بەرٸلگەنٸن انىقتادى, - دەپ حابارلايدى Dalanews.kz.
كەندەرلٸ قۇمقايىرى دەپ اتالاتىن بۇل ۋچاسكە وبلىستىڭ باستى كٶرٸكتٸ جەرلەرٸنٸڭ بٸرٸ سانالادى.
جەردٸڭ ساتىلۋ تاريحى 2007 جىلى باستالعان. جەر ۋچاسكەسٸ "ماڭعىستاۋمۇنايگاز" اق-نا ساۋىقتىرۋ كەشەنٸن سالۋ ٷشٸن 3,1 ميلليارد تەڭگەگە ساتىلىپ, كەيٸن "گەليوس" جشس-نە 3,3 ميلليارد تەڭگەگە قايتا ساتىلعان.
جەر ۋچاسكەسٸ جەر كودەكسٸنٸڭ تالاپتارىن بۇزا وتىرىپ, زاڭسىز بەرٸلگەن. ٶيتكەنٸ جەر كوميسسيياسىنىڭ وتىرىسى ٶتكٸزٸلمەگەن, سونداي-اق, جەر ۋچاسكەسٸنە جەرگە ورنالاستىرۋ جوباسى بەكٸتٸلمەگەن. وسىلايشا, جەر ۋچاسكەسٸن بەرۋدٸڭ جالپى تەرتٸبٸ بۇزىلعان.
وبلىس پروكۋراتۋراسىنىڭ قاداعالاۋ اكتٸسٸنٸڭ نەگٸزٸندە ۋەكٸلەتتٸ ورگان ساتىپ الۋ-ساتۋ شارتتارىن جارامسىز دەپ تانۋ تۋرالى سوتقا تالاپ-ارىز ەنگٸزدٸ. ەكونوميكالىق سوتتىڭ شەشٸمٸمەن تالاپ قويۋشىنىڭ تالاپتارى تولىق كٶلەمدە قاناعاتتاندىرىلدى.
بٷگٸندە جەر ۋچاسكەسٸنٸڭ كاداسترلىق قۇنى 30 ميلليارد تەڭگەدەن اسادى.
prokadrykz مەلٸمەتٸنشە, "گەليوس" جشس راشيت سەرسەنوۆتىڭ وتباسىنا تيەسٸلٸ. ول Forbes Kazakhstan-داعى باي بيزنەسمەندەر رەيتينگٸندە سەگٸزٸنشٸ ورىندا تۇر.
