Dalanews.kz aqparat agenttigi osyǵan deiin Qazaqstan damý bankin aǵaiyndy Nyǵmatlider men Bolat Ábilov te mai shelpekke ainaldyrǵanyn jazǵan bolatyn. Al Shishkin_like telegramm kanaly Qazaqstan damý banki arqyly biýdjet qarjysyna milliarder Bolat Ótemuratovtyń da qol salǵanyn jazypty.
Bolat Ótemuratov elimizde eń bai adamdardyń biri. Olardyń ainalyspaityn biznesi joq. Bókeń Qazaqstanda altyn óndiretin RG Gold jáne RG Processing kompaniialarynyń aktivterine ielik etetini belgili.
Ol altyn óndirý biznesin óristetý úshin Qazaqstan damý bankinen Indýstrialdy-innovatsiialyq damý baǵdarlamasy aiasynda 2010-2014 jyldary jáne 2015-2019 jyldary jalpy 126,8 mlrd teńge nesie alǵany málim boldy.
Altyn óndirisi elimizdegi eń tabysty salalardyń biri desek artyq aitqandyq bolmas. Biraq sol jyldary Qazaqstan damý banki kóptegen máselelerdi attap ótip, oligarhtyń altyn óndirisin qoldaýǵa qomaqty nesie bólgenin túsiniksiz. Osydan keiin Qazaqstan damý banki Nazarbaev otbasyna jaqyn adamdardyń ámiianyna ainalyp ketti degen áńgimeni túsinýge bolady.
Shishkin_like kanaly RG Gold, RG Processing kompaniialary Nazarbaev otbasyna jaqyn júretin Bolat Ótemuratovqa tiesili ekenin jazypty. Bókeń memlekettiń qoldaýy úshin bólingen qomaqty qarjyny sol kezde «Temirbank» (qazirgi «ForteBank») arqyly qýyp kelgen ǵoi.
2022 jyldaǵy mamyr aiyndaǵy jaǵdai boiynsha 64 jastaǵy Bolat Ótemuratov 2,8 mlrd dollar bailyǵymen elimizdegi bai adamdardyń tiziminde altynshy orynǵa jaiǵasqan.
ForteBank-tiń 89,35%-y (banktyń kapitaly 277,7 mlrd teńgeni qurasa, jalpy aktivi 2,42 trln teńgege jetken), budan basqa «KaR-Tel» JShS-nyń 25%-y, «Sky Mobile» kompaniiasynyń 49,9%-y Bókeńniń igiliginde ekenin aita ketýimiz kerek.
