Qazaqstan Respýblikasynyń Premer-ministri Oljas Bektenov Qazaqstannyń tóraǵalyǵymen ótip jatqan Halyqaralyq Araldy qutqarý qory (HAQQ) basqarmasynyń ekinshi otyrysyna qatysýshy elder delegatsiialarynyń basshylarymen kezdesý ótkizdi.
Qazaqstan Halyqaralyq Araldy qutqarý qorynyń qyzmetine basa mán beredi jáne atalǵan uiymdy óńirdegi ekologiialyq sipattaǵy máselelerdi sheshýdiń, transshekaralyq sý paidalanýdyń utymdy ári ózara tiimdi quraldarynyń biri retinde qarastyrady.
Kezdesýde Aral teńizindegi sý deńgeiin arttyrý jónindegi birlesken sharalar, sonyń ishinde Qazaqstan Prezidenti Qasym-Jomart Toqaevtyń «Jasandy intellekt dáýirindegi Qazaqstan: ózekti máseleler jáne ony túbegeili tsifrlyq ózgerister arqyly sheshý» atty halyqqa Joldaýynda aitqan bastamalary sheńberinde talqylandy.
Oljas Bektenov óz sózinde HAQQ-ǵa qatysýshy memleketterdiń basshylary energetikalyq jáne azyq-túlik qaýipsizdigin qamtamasyz etýde strategiialyq mańyzy bar sý-energetikalyq resýrstaryn paidalanýdyń utymdy tásiline basymdyq beretinin atap ótti.
Osy jyldyń vegetatsiialyq kezeńi óte qiyn ótti. Kúrdeli jaǵdailarǵa qaramastan, úkimetterdiń syndarly ózara is-qimyly Aral teńizi basseininde turaqty sý rejimin qamtamasyz etýge múmkindik berdi. Premer-ministr Qyrǵyzstan, Tájikstan jáne Ózbekstan Úkimetteriniń basshylaryna alǵysyn bildirip, úilestirilgen jedel is-qimyldar arqyly ǵana eleýli shyǵyndardyń aldyn alýǵa bolatynyn atap ótti.
«Ár eldiń óz ulttyq múddesi bar, biz ony qashan da qorǵaýǵa mindettimiz. Biraq bizdiń ortaq strategiialyq, uzaqmerzimdi basym maqsatymyz tatý kórshilik qarym-qatynas ekeni sózsiz. Kúndelikti, qysqamerzimdi mindetterdi sheshýde biz uzaqmerzimdi basymdyqtarǵa nuqsan keltirmeýimiz kerek. Máselelerdi árqashan ózara tiimdi ári qolaily negizde sheshý úshin birlesken sharalar qabyldaitynymyzǵa senimdimin»,— dep atap ótti Oljas Bektenov.
Qazaqstannyń tóraǵalyǵy aiasynda júrgiziletin jumystyń basym baǵyttarynyń biri – tsifrlyq transformatsiia jáne sý salasynda jasandy intellektini qoldaný. JI engizý sýdy paidalanýdyń ashyqtyǵyn qamtamasyz etedi jáne sý shyǵynyn azaitýǵa múmkindik beredi. Aral teńizi basseininde sý resýrstaryn esepke alýdyń, monitoring júrgizýdiń, basqarýdyń jáne bólýdiń biryńǵai avtomattandyrylǵan júiesin engizý boiynsha birlesken jumystyń mańyzdylyǵy da atap ótildi.
Kezdesý barysynda, sondai-aq Tájikstan Premer-ministriniń orynbasary Ziiozoda Sýlaimon, Ózbekstan Prezidentiniń keńesshisi Shýhrat Ganiev, Túrikmenstan aýyl sharýashylyǵy ministri Charyiar Chetiev sóz sóiledi.
Talqylaýdy qorytyndylai kele, Premer-ministr Oljas Bektenov Qazaqstannyń ashyqtyq, yntymaqtastyq jáne syndarly dialog qaǵidattaryna beiil ekenin naqtylady.
