Premer-mınıstr EKSPO aýmaǵyndaǵy pavılon-sferaǵa baryp, Memleket basshysynyń iske asyrylýy ekonomıka ósýiniń jańa kózi sanalatyn sıfrly tehnologıalardy damytý jónindegi tapsyrmalarynyń oryndalý barysymen tanysty. Oljas Bektenov Prezıdent Ana tili gazetine bergen baǵdarlamalyq suhbatynda ekonomıkanyń ósýin qamtamasyz etý jáne azamattardyń ál-aýqatyn arttyrý boıynsha naqty mindetter qoıǵanyn atap ótti, - dep habarlaıdy Dalanews.kz. 

Astana Hub bas dırektory Maǵjan Mádıev jasandy ıntellekt ortalyǵy bolatyn biryńǵaı sıfrlyq hab qurý jumystarynyń barysyna toqtaldy. Indýstrıaldy eńbek naryǵynda suranysqa ıe otandyq kadrlar daıarlaýǵa, sondaı-aq bilim berý mazmunyn ázirleýge erekshe kóńil bólindi. 

Premer-mınıstr JI damýynyń praktıkalyq turǵydan naqty paıdasyn atap ótip, tehnologıalyq sheshimderdi aýqymdy engizý birinshi kezekte qazaqstandyqtardyń ómir súrý sapasyna oń áser etýi tıis ekenin atap ótti. 

«Memleket basshysy búgingi suhbatynda Úkimet aldyna ekonomıkalyq ósýdi qamtamasyz etý jáne azamattardyń ál-aýqatyn arttyrý mindetin qoıdy. Biz ónimdi jumys oryndaryn qurýǵa, sol arqyly elimizdiń barlyq óńirinde otbasylardy turaqty tabyspen qamtýǵa múmkindik beretin shıkizattyq emes damyǵan salalary bar ózin-ózi qamtamasyz etetin ekonomıkaǵa umtylýdamyz. Elimizde GovTech jáne IT salasy tabysty damyp keledi jáne ony jalǵastyrý qajet. Jalpy, sıfrly ekonomıka ósýdiń mańyzdy ári serpindi núkteleriniń birine aınalýy tıis», — dep basa aıtty Oljas Bektenov.

Prezıdent suhbatynda atap ótilgendeı, Úkimettiń basym mindetteri ekonomıkanyń ornyqtylyǵy men tıimdiligin qamtamasyz etý, naqty sektordy serpindi damytý, eńbek ónimdiliginiń ósýi, sapaly jumys oryndarynyń ulǵaıýy bolyp qala beredi.  

Premer-mınıstr Úkimet Memleket basshysynyń Ana tili gazetine bergen suhbatynda aıtylǵan tapsyrmalaryn oryndaý boıynsha qajetti barlyq sharalar qabyldaıtynyn atap ótti.