پرەمەر-مينيستر ەكسپو اۋماعىنداعى پاۆيلون-سفەراعا بارىپ، مەملەكەت باسشىسىنىڭ ىسكە اسىرىلۋى ەكونوميكا ءوسۋىنىڭ جاڭا كوزى سانالاتىن سيفرلى تەحنولوگيالاردى دامىتۋ جونىندەگى تاپسىرمالارىنىڭ ورىندالۋ بارىسىمەن تانىستى. ولجاس بەكتەنوۆ پرەزيدەنت Ana tili گازەتىنە بەرگەن باعدارلامالىق سۇحباتىندا ەكونوميكانىڭ ءوسۋىن قامتاماسىز ەتۋ جانە ازاماتتاردىڭ ءال-اۋقاتىن ارتتىرۋ بويىنشا ناقتى مىندەتتەر قويعانىن اتاپ ءوتتى، - دەپ حابارلايدى Dalanews.kz.
Astana Hub باس ديرەكتورى ماعجان مادييەۆ جاساندى ينتەللەكت ورتالىعى بولاتىن ءبىرىڭعاي سيفرلىق حاب قۇرۋ جۇمىستارىنىڭ بارىسىنا توقتالدى. يندۋستريالدى ەڭبەك نارىعىندا سۇرانىسقا يە وتاندىق كادرلار دايارلاۋعا، سونداي-اق ءبىلىم بەرۋ مازمۇنىن ازىرلەۋگە ەرەكشە كوڭىل ءبولىندى.
پرەمەر-مينيستر جي دامۋىنىڭ پراكتيكالىق تۇرعىدان ناقتى پايداسىن اتاپ ءوتىپ، تەحنولوگيالىق شەشىمدەردى اۋقىمدى ەنگىزۋ ءبىرىنشى كەزەكتە قازاقستاندىقتاردىڭ ءومىر ءسۇرۋ ساپاسىنا وڭ اسەر ەتۋى ءتيىس ەكەنىن اتاپ ءوتتى.
«مەملەكەت باسشىسى بۇگىنگى سۇحباتىندا ۇكىمەت الدىنا ەكونوميكالىق ءوسۋدى قامتاماسىز ەتۋ جانە ازاماتتاردىڭ ءال-اۋقاتىن ارتتىرۋ مىندەتىن قويدى. ءبىز ءونىمدى جۇمىس ورىندارىن قۇرۋعا، سول ارقىلى ەلىمىزدىڭ بارلىق وڭىرىندە وتباسىلاردى تۇراقتى تابىسپەن قامتۋعا مۇمكىندىك بەرەتىن شيكىزاتتىق ەمەس دامىعان سالالارى بار ءوزىن-وزى قامتاماسىز ەتەتىن ەكونوميكاعا ۇمتىلۋدامىز. ەلىمىزدە GovTech جانە IT سالاسى تابىستى دامىپ كەلەدى جانە ونى جالعاستىرۋ قاجەت. جالپى، سيفرلى ەكونوميكا ءوسۋدىڭ ماڭىزدى ءارى سەرپىندى نۇكتەلەرىنىڭ بىرىنە اينالۋى ءتيىس»، — دەپ باسا ايتتى ولجاس بەكتەنوۆ.
پرەزيدەنت سۇحباتىندا اتاپ وتىلگەندەي، ۇكىمەتتىڭ باسىم مىندەتتەرى ەكونوميكانىڭ ورنىقتىلىعى مەن تيىمدىلىگىن قامتاماسىز ەتۋ، ناقتى سەكتوردى سەرپىندى دامىتۋ، ەڭبەك ونىمدىلىگىنىڭ ءوسۋى، ساپالى جۇمىس ورىندارىنىڭ ۇلعايۋى بولىپ قالا بەرەدى.
پرەمەر-مينيستر ۇكىمەت مەملەكەت باسشىسىنىڭ Ana tili گازەتىنە بەرگەن سۇحباتىندا ايتىلعان تاپسىرمالارىن ورىنداۋ بويىنشا قاجەتتى بارلىق شارالار قابىلدايتىنىن اتاپ ءوتتى.
