Qazaqstan premer-mınıstri Oljas Bektenov Shymkentke jumys sapary aıasynda megapolıstiń qazirgi damý barysymen jáne Memleket basshysynyń "Ádiletti Qazaqstan: zań men tártip, ekonomıkalyq ósim, qoǵamdyq optımızm" atty Joldaýyn iske asyrý sharalarymen tanysty, dep habarlaıdy Dalanews.kz.
"Ońtústik" ındýstrıaldy aımaǵynyń aýmaǵynda Úkimet basshysy sýsyndarǵa arnalǵan alúmını qalbyrlar men qaqpaqtar shyǵaratyn QazAlPack kásiporynda boldy. Óndiristik qýaty jylyna 1,2 mlrd dana banka shyǵarýǵa múmkindik beredi. Zaýytta 360 adam jumys isteıdi.
QazAllPack JSHS dırektory Rýstam Sýhov avtomattandyrylǵan óndiris prosesin tanystyryp, qaptamanyń bul túri óziniń tutynýshylyq qasıetteri boıynsha eń progresıvti ári ekologıalyq taza ekenin aıtty. Zamanaýı sapa standarttary boıynsha óndiriletin ónimder ishki naryqta satylyp, Ózbekstan, Qyrǵyzstan, Reseı, Tájikstan elderine eksporttalady. Memlekettik qoldaý sharalary men IA aýmaǵynda qurylǵan qolaıly jaǵdaılardyń arqasynda kompanıa 2025 jylǵa qaraı ekinshi óndiristik jelini iske qosyp, ónim kólemin 2,3 mlrd bankaǵa deıin arttyrýdy josparlap otyr.
Shymkent qalasy ákiminiń orynbasary Aıdyn Kárimov Shymkent qalasynyń jalpy ındýstrıaldy negizin jalpy aýdany 1 276 gektar 7 ónerkásip aımaǵy quraıtynyn, onda búginde 293 joba iske asyrylǵanyn, 8,2 myńnan astam jańa jumys orny ashylǵanyn baıandady. «Ońtústik» ınvestısıalyq portfeline jalpy quny 151,3 mlrd teńgeni quraıtyn 70 joba kiredi.
Úkimet basshysy sondaı-aq "PetroQazaqstan Oıl Prodakts" munaı óńdeý zaýytynda túrli otyn túrlerin óndirýdiń tehnologıalyq tizbegimen tanysty. Kásiporyn jylyna 6 mln tonna munaı óńdeıdi. Shyǵarylatyn ónim túrleriniń qataryna avtomobıl benzınderi, dızel otyny, avıasıalyq kerosın, suıytylǵan kómirsýtek gazy, mazýt jáne basqa da munaı ónimderi jatady.
Premer-Mınıstrge Shymkent MÓZ óndiristik qýatyn jylyna 12 mln tonna qaıta óńdelgen munaıǵa deıin ulǵaıtý jobasynyń bastalǵany týraly baıandaldy. Oljas Bektenov JJM naryǵyndaǵy turaqtylyqty qamtamasyz etýdiń mańyzdy ekenin atap ótti. Óńir men MÓZ basshylyǵynyń nazary qaıta óńdeý sapasyn odan ári jaqsartýǵa, sondaı-aq munaı ónimderiniń aǵyny men "sur eksportyna" jol bermeýge aýdaryldy.
Sapar barysynda Premer-Mınıstr jańa salynyp jatqan birqatar áleýmettik jáne jol nysandary mysalynda Shymkent qalasy bas josparynyń iske asyrylýymen tanysty. Onda jyl sońyna deıin 2,6 myń páterge arnalǵan 66 turǵyn úıdi paıdalanýǵa berý jospary týraly baıandaldy. Bıylǵy qorytyndy boıynsha 1,4 mln m2 turǵyn úı paıdalanýǵa beriledi dep kútilýde. Turǵyn aýdandarda jaıly mektepter, emhanalar, zamanaýı sport keshenderiniń, sondaı-aq Oqýshylar saraıynyń qurylysy júrgizilip jatyr.
Premer-Mınıstr 36 turǵyn úı salynyp jatqan Aqjaıyq shaǵyn aýdanyna aralaý barysynda qurylys sapasyna jáne qazaqstandyq taýarlar men qyzmetterdiń úlesin odan ári arttyrý qajettigine nazar aýdardy.
Sondaı-aq Úkimet basshysyna qalany aınalyp ótetin tranzıttik kóliktiń ótýin qamtamasyz etý úshin uzyndyǵy 28,2 km «Qorǵas-Almaty-SHymkent-Ózbekstan Respýblıkasy shekarasy» A-2 avtojolyn rekonstrýksıalaý jumystary júrgizilip jatqany týraly baıandaldy.
Qalanyń odan ári damýy, óndiristik qýattardyń keńeıýi jáne jańa ınfraqurylymdyq jobalardyń iske qosylýy turaqty jáne úzdiksiz energıamen jabdyqtaýdy talap etetini atap ótildi. Búgingi tańda Shymkentte jeke óndiriletin energıanyń jalpy qýaty 120 MVt quraıdy, sonymen birge qala 400 MVt, suranystyń eń joǵary kezeńderde – 500 MVt qýatty tutynady.
Úkimet basshysy qazirgi ýaqytta Qazaqstannyń energetıkalyq sektory elimizde óndiriletin barlyq elektr energıasynyń shamamen 70%-yn qamtamasyz etetin kómir elektr stansalaryna qatty táýeldi ekenin atap ótti. Alaıda, bul model kúrdeli máselelerge tap bolýda, óıtkeni jumys istep turǵan stansalardyń tozý deńgeıi joǵary. Bıylǵy 6 qazandaǵy referendýmda oń sheshim qabyldanǵan jaǵdaıda atom elektr stansasy osy problemalardyń sheshimi bola alady. AES turaqty energıamen qamtamasyz ete alady. AES qurylysy energetıkalyq jáne ónerkásiptik óndiristi ártaraptandyrýǵa yqpal etetin bolady, bul rette qaldyqtardy jınaý men saqtaýdan bastap ýtılızasıa men qaıta óńdeýge deıingi basqarýdyń barlyq aspektileri eskeriletin bolady.
