قازاقستان پرەمەر-مينيسترٸ ولجاس بەكتەنوۆ شىمكەنتكە جۇمىس ساپارى اياسىندا مەگاپوليستٸڭ قازٸرگٸ دامۋ بارىسىمەن جەنە مەملەكەت باسشىسىنىڭ "ەدٸلەتتٸ قازاقستان: زاڭ مەن تەرتٸپ, ەكونوميكالىق ٶسٸم, قوعامدىق وپتيميزم" اتتى جولداۋىن ٸسكە اسىرۋ شارالارىمەن تانىستى, دەپ حابارلايدى Dalanews.kz.
"وڭتٷستٸك" يندۋستريالدى ايماعىنىڭ اۋماعىندا ٷكٸمەت باسشىسى سۋسىندارعا ارنالعان اليۋمينيي قالبىرلار مەن قاقپاقتار شىعاراتىن QazAlPack كەسٸپورىندا بولدى. ٶندٸرٸستٸك قۋاتى جىلىنا 1,2 ملرد دانا بانكا شىعارۋعا مٷمكٸندٸك بەرەدٸ. زاۋىتتا 360 ادام جۇمىس ٸستەيدٸ.
QazAllPack جشس ديرەكتورى رۋستام سۋحوۆ اۆتوماتتاندىرىلعان ٶندٸرٸس پروتسەسٸن تانىستىرىپ, قاپتامانىڭ بۇل تٷرٸ ٶزٸنٸڭ تۇتىنۋشىلىق قاسيەتتەرٸ بويىنشا ەڭ پروگرەسسيۆتٸ ەرٸ ەكولوگييالىق تازا ەكەنٸن ايتتى. زاماناۋي ساپا ستاندارتتارى بويىنشا ٶندٸرٸلەتٸن ٶنٸمدەر ٸشكٸ نارىقتا ساتىلىپ, ٶزبەكستان, قىرعىزستان, رەسەي, تەجٸكستان ەلدەرٸنە ەكسپورتتالادى. مەملەكەتتٸك قولداۋ شارالارى مەن يا اۋماعىندا قۇرىلعان قولايلى جاعدايلاردىڭ ارقاسىندا كومپانييا 2025 جىلعا قاراي ەكٸنشٸ ٶندٸرٸستٸك جەلٸنٸ ٸسكە قوسىپ, ٶنٸم كٶلەمٸن 2,3 ملرد بانكاعا دەيٸن ارتتىرۋدى جوسپارلاپ وتىر.
شىمكەنت قالاسى ەكٸمٸنٸڭ ورىنباسارى ايدىن كەرٸموۆ شىمكەنت قالاسىنىڭ جالپى يندۋستريالدى نەگٸزٸن جالپى اۋدانى 1 276 گەكتار 7 ٶنەركەسٸپ ايماعى قۇرايتىنىن, وندا بٷگٸندە 293 جوبا ٸسكە اسىرىلعانىن, 8,2 مىڭنان استام جاڭا جۇمىس ورنى اشىلعانىن باياندادى. «وڭتٷستٸك» ينۆەستيتسييالىق پورتفەلٸنە جالپى قۇنى 151,3 ملرد تەڭگەنٸ قۇرايتىن 70 جوبا كٸرەدٸ.
ٷكٸمەت باسشىسى سونداي-اق "پەتروقازاقستان ويل پروداكتس" مۇناي ٶڭدەۋ زاۋىتىندا تٷرلٸ وتىن تٷرلەرٸن ٶندٸرۋدٸڭ تەحنولوگييالىق تٸزبەگٸمەن تانىستى. كەسٸپورىن جىلىنا 6 ملن توننا مۇناي ٶڭدەيدٸ. شىعارىلاتىن ٶنٸم تٷرلەرٸنٸڭ قاتارىنا اۆتوموبيل بەنزيندەرٸ, ديزەل وتىنى, اۆياتسييالىق كەروسين, سۇيىتىلعان كٶمٸرسۋتەك گازى, مازۋت جەنە باسقا دا مۇناي ٶنٸمدەرٸ جاتادى.
پرەمەر-مينيسترگە شىمكەنت مٶز ٶندٸرٸستٸك قۋاتىن جىلىنا 12 ملن توننا قايتا ٶڭدەلگەن مۇنايعا دەيٸن ۇلعايتۋ جوباسىنىڭ باستالعانى تۋرالى باياندالدى. ولجاس بەكتەنوۆ ججم نارىعىنداعى تۇراقتىلىقتى قامتاماسىز ەتۋدٸڭ ماڭىزدى ەكەنٸن اتاپ ٶتتٸ. ٶڭٸر مەن مٶز باسشىلىعىنىڭ نازارى قايتا ٶڭدەۋ ساپاسىن ودان ەرٸ جاقسارتۋعا, سونداي-اق مۇناي ٶنٸمدەرٸنٸڭ اعىنى مەن "سۇر ەكسپورتىنا" جول بەرمەۋگە اۋدارىلدى.
ساپار بارىسىندا پرەمەر-مينيستر جاڭا سالىنىپ جاتقان بٸرقاتار ەلەۋمەتتٸك جەنە جول نىساندارى مىسالىندا شىمكەنت قالاسى باس جوسپارىنىڭ ٸسكە اسىرىلۋىمەن تانىستى. وندا جىل سوڭىنا دەيٸن 2,6 مىڭ پەتەرگە ارنالعان 66 تۇرعىن ٷيدٸ پايدالانۋعا بەرۋ جوسپارى تۋرالى باياندالدى. بيىلعى قورىتىندى بويىنشا 1,4 ملن م2 تۇرعىن ٷي پايدالانۋعا بەرٸلەدٸ دەپ كٷتٸلۋدە. تۇرعىن اۋدانداردا جايلى مەكتەپتەر, ەمحانالار, زاماناۋي سپورت كەشەندەرٸنٸڭ, سونداي-اق وقۋشىلار سارايىنىڭ قۇرىلىسى جٷرگٸزٸلٸپ جاتىر.
پرەمەر-مينيستر 36 تۇرعىن ٷي سالىنىپ جاتقان اقجايىق شاعىن اۋدانىنا ارالاۋ بارىسىندا قۇرىلىس ساپاسىنا جەنە قازاقستاندىق تاۋارلار مەن قىزمەتتەردٸڭ ٷلەسٸن ودان ەرٸ ارتتىرۋ قاجەتتٸگٸنە نازار اۋداردى.
سونداي-اق ٷكٸمەت باسشىسىنا قالانى اينالىپ ٶتەتٸن ترانزيتتٸك كٶلٸكتٸڭ ٶتۋٸن قامتاماسىز ەتۋ ٷشٸن ۇزىندىعى 28,2 كم «قورعاس-الماتى-شىمكەنت-ٶزبەكستان رەسپۋبليكاسى شەكاراسى» ا-2 اۆتوجولىن رەكونسترۋكتسييالاۋ جۇمىستارى جٷرگٸزٸلٸپ جاتقانى تۋرالى باياندالدى.
قالانىڭ ودان ەرٸ دامۋى, ٶندٸرٸستٸك قۋاتتاردىڭ كەڭەيۋٸ جەنە جاڭا ينفراقۇرىلىمدىق جوبالاردىڭ ٸسكە قوسىلۋى تۇراقتى جەنە ٷزدٸكسٸز ەنەرگييامەن جابدىقتاۋدى تالاپ ەتەتٸنٸ اتاپ ٶتٸلدٸ. بٷگٸنگٸ تاڭدا شىمكەنتتە جەكە ٶندٸرٸلەتٸن ەنەرگييانىڭ جالپى قۋاتى 120 مۆت قۇرايدى, سونىمەن بٸرگە قالا 400 مۆت, سۇرانىستىڭ ەڭ جوعارى كەزەڭدەردە – 500 مۆت قۋاتتى تۇتىنادى.
ٷكٸمەت باسشىسى قازٸرگٸ ۋاقىتتا قازاقستاننىڭ ەنەرگەتيكالىق سەكتورى ەلٸمٸزدە ٶندٸرٸلەتٸن بارلىق ەلەكتر ەنەرگيياسىنىڭ شامامەن 70%-ىن قامتاماسىز ەتەتٸن كٶمٸر ەلەكتر ستانسالارىنا قاتتى تەۋەلدٸ ەكەنٸن اتاپ ٶتتٸ. الايدا, بۇل مودەل كٷردەلٸ مەسەلەلەرگە تاپ بولۋدا, ٶيتكەنٸ جۇمىس ٸستەپ تۇرعان ستانسالاردىڭ توزۋ دەڭگەيٸ جوعارى. بيىلعى 6 قازانداعى رەفەرەندۋمدا وڭ شەشٸم قابىلدانعان جاعدايدا اتوم ەلەكتر ستانساسى وسى پروبلەمالاردىڭ شەشٸمٸ بولا الادى. اەس تۇراقتى ەنەرگييامەن قامتاماسىز ەتە الادى. اەس قۇرىلىسى ەنەرگەتيكالىق جەنە ٶنەركەسٸپتٸك ٶندٸرٸستٸ ەرتاراپتاندىرۋعا ىقپال ەتەتٸن بولادى, بۇل رەتتە قالدىقتاردى جيناۋ مەن ساقتاۋدان باستاپ ۋتيليزاتسييا مەن قايتا ٶڭدەۋگە دەيٸنگٸ باسقارۋدىڭ بارلىق اسپەكتٸلەرٸ ەسكەرٸلەتٸن بولادى.
