Nurqadilov bylai depti:
— Adamdy synaǵyń kelse, bilik ber deýshi edi. Synaqtan ótpegen, bolmysyn bilik buzǵan adamdar kóp. Bilikti kótere almaǵan olar adam tanymastai ózgergen.
Men be? Bilik meni buzǵan emes, eshqashan. Buza da almaidy. Iá, talai oqiǵanyń kýágeri boldym. Memlekettik mańyzy bar talai sheshimderge yqpal etkenim de ras. Bura tartqan, qatelesken kezderim boldy. Eshqashan biliktiń jalyna jarmasqan emespin, biraq.
Meni bilikshil, kresloshyl, tym susty, tym tákappar dep sanaityndar bar. Tanymaǵasyn solai oilaidy. Solai paiymdaidy.
Bul ómirdegi bir aqiqat, qolyńa bilik berilse durys paidalanýǵa tyrys, igi maqsatqa jumsaýǵa umtyl. Máńgilik eshteńe joq, óitkeni. Bilik te máńgilik emes.
Quiryǵy kresloǵa jabysyp týǵan pende joq, bul jalǵanda. Kreslonyń sýsymaly ekenin umytpaǵan jón.
Qolyna bilik tise jalǵandy jalpaǵynan basqysy keletinder kóp-aq, soǵan qaramai. Quddy, qudiret qonǵandai sezinedi ózin.
Aljasqannyń, adasqannyń belgisi bul. Adamdyqtan ainyǵannyń kórinisi. Adam degen atyn joǵaltqan, adam qalpynan ajyrap qalǵandar qanshama aramyzda…
Túptep kelgende seniń de shegiń bar, Táńir belgilep bergen. Budan asyp qaida barasyń, aitshy?
Qolyńa berilgen bilikti asyra paidalansań, osy shekteń shyqqanyń. Táńir belgilep bergen syzyqtan asqanyń. Talqanyń taýsylǵan kúni aldyńnan shyǵady…
Bilikke kelgen adam qyzmetin qý qulqynnyń qamyna, jurttyń aqshasyn jeýge, julmalaýǵa jumsasa túptiń-túbi ońbaidy. Sazaiyn alady. Azabyn tartady.
Mundailar áigili Aiaz bidiń ósietin umytqan.
«Aiaz bi álińdi bil, qumyrsqa jolyńdy bil».
Ómirime rizamyn. Eshkimge ókpem joq. Qatelessem, aldymen ózime úńilem. «Durys istedim be, durys sheshim qabyldadym ba?» dep…
Almatynyń ákimi boldym. Súikimsiz jumys edi. Qyzmetten ketkesin pátersiz qaldym.
Qala syrtyndaǵy dachimizge baryp turdyq. Maqpaldyń úiine kóship barmasym belgili edi. Jańa úi saldym. Boldy. Meniń shegim osy. Budan artyqtyń keregi joq . Úiim bar, ómirim bar. Otbasym bar.
Ózimniń qarapaiym ǵana adam ekenimdi túsindim. Qanaǵat. Keregi osy eken.
Daiyndaǵan, Dýman BYQAI
https://www.youtube.com/watch?v=7ntOVJlG-y0
