Ol qyzmetten ketti... Biraq birge jumys istegen birneshe azamat oǵan tegin qyzmet etti. Tipti, jeke kúzetshisi sońǵy demine deıin onyń murajaıyn aqysyz kúzetti. Bastyqqa ózin baǵyshtaý degen osy bolsa kerek...

Ol Qudaı qosqan qosaǵynan urpaq súımedi. Biraq muny syltaýratyp áıel ústine áıel almady... Jubaıynyń kóńilin jyqpady, mahabbatyna daq túsirmedi...

Ol dúnıeniń sońyna túspedi. Abyroıdy, ar men namysty artyq kórdi. Ózine kelgen syılyqty qaıyrly iske jumsady...

Ol men týyp ósken Maqtaaral aýdanyn Ózbekstanǵa qosyp jiberý saıasatyna qasqaıyp turyp qarsy shyqty...

Onyń qarapaıymdylyǵy sondaı, kóshede kúızelgen jannyń kóńilin kóterip, jigerin oıatty...

Ol... Ol... Dinmuhamed Qonaev atanyń ańyzǵa bergisiz ónegeli ómirin osylaı jalǵastyra berýge bolady.

Jaqsynyń artynan tek jaqsy sóz eredi. Ony urpaq umytpaq emes. Janyń peıishte shalqysyn, Dımash ata.

 

Aǵabek Qonarbaıuly, jýrnalıs