– Bul óte-móte qaýipti úrdis! Ol Resei azamaty. Prezident TRK-sy Toqaevtyń qyzmetin el-jurtqa jetkizetin negizgi qural. Mundai ortada óz azamattarymyz ter tógýi tiis. Telearna kontentin tóńiregine qazaqstandyq kózqaraspen qaraityn azamattar ázirleýi qajet.
Dáýletiiarov? Ol shoý-biznes ókili. Eldegi saiasi áleýmettik-ahýaldan maqurym. Ómirbaqi yrdý-dyrdýdyń ortasynda júrgen adamnyń memdeńgeidegi joba ázirleýge óresi jete me?! Prezident qyzmetin nasihattaý, Aqordanyń aqparatyn taratýdy Arman sekildi adamdarǵa tabystaýǵa bolmaidy… – deidi ol.
Janǵazynyń pikirinshe telearna basshylyǵy óreskel qatelik jibergen, kadr saiasatyna munshalyqty saldyr-calaq qaraýǵa bolmaidy.
– Eń soraqysy, Dáýletiiarov "orys áleminiń" belsendi ókili. Ol Pýtinniń shapqynshylyǵyn jaqtap, Ýkrainany basyp janyshtaýǵa qoldaý bildirgen. Onyń bir jylǵy burynǵy suhbatyn sholyp shyqqan bolsańyz, osy aitqanyma kózińiz jetedi.
Kievti úsh kúnde jaýlap alýdy kóksegen Kremldiń oiy iske aspai, sanktsiialar býyndyra bastaǵan tusta Arman bastaǵan "pýtinister" Qazaqstanǵa bezdi. Osy arada: "eger Resei Ýkrainany jaýlap alsa, Dáýletiiarov Qazaqstanǵa qaityp keler ma edi?" degen oryndy saýal týyndaidy. Ái, qaidam! Attap baspas edi. Sondyqtan da onyń qazirgi obrazyna aldanyp qalmańyzdar… – deidi Nazym Janǵazy.
Onyń paiymdaýynsha, Arman Dáýletiiarov MýzTV-ny basqarǵan tusta kórshi elderge Resei saiasatyn ulyqtaityn propagandamen ainalysqan.
