Qaraǵandy oblysynyń ákimi Ermaǵanbet Bólekpaev jedel járdem qyzmetkerleriniń qaýipsizdigin arttyrýǵa baǵyttalǵan sharalar ázirleýdi tapsyrdy, dep habarlaidy Dalanews.kz.
Sondai-aq, jedel járdem brigadalaryna qaýip tóngen jaǵdaida quqyq qorǵaý organdarymen ózara is-qimyl algoritmin qabyldaý qajettigin jetkizdi.
Óńir basshysy jedel járdem júrgizýshisin soqqyǵa jyqqan oqiǵany óreskel quqyqbuzýshylyq dep atady.
Bul azamattyń ornalasqan jeri kóp keshiktirmei anyqtalady. Jaqyn arada politsiia ony tabatynyna senimdimin. Bizdiń azamattar jedel járdem qyzmetkerleriniń eńbegine qurmetpen qaraitynyn bilemin. Alaida, keibir adamdardyń shydamdylyq tanytpaýy jalpyadamzattyq qundylyqtardan, syilastyqtan, gýmanizmnen joǵary bolyp turǵan tulǵalar da bar. Jedel járdem qyzmetkerlerine jáne jalpy turǵyndardyń ál-aýqaty men ómirin ólimnen arashalap qalatyn basqa da mańyzdy salalarda jumys isteitin adamdarǵa qatysty kez kelgen osyndai áreketter zań aiasynda jazalanady, – dedi Ermaǵanbet Bólekpaev.
Oblys ákimi turǵyndardy erejelerdi saqtaýǵa, joldarda jedel járdem kólikterin ótkizip jiberýge, janjalǵa jol bermeýge shaqyrdy.
Eske salaiyq, áleýmettik jelide jedel járdem júrgizýshisin urǵan er adamnyń videosy taraǵan bolatyn
