Oblysta 24 myń otbasy ataýly áleýmettik kómek aldy
24 myń otbasy, iaǵni, ondaǵy 139,5 myń adamǵa qazyna qarjysynan 7639,2 mln. teńge qaralyp, onyń ishinde, 127,5 myń adamǵa (91,4%) shartty aqshalai kómek, 12 myń adamǵa (8,6%) shartsyz aqshalai kómek tartyldy.
Sondai-aq, 19585 eńbekke jaramdy shartty aqshalai kómek alýshy azamat jumyspen qamtý sharalarymen qamtylsa, olardyń 85,1 (16660 adam) paiyzy turaqty jumysqa turǵan. Al 1561 adam shartty aqshalai kómekke bólingen qarjynyń esebinen óz isin ashypty.
Negizinen, biyl óńirde 259 myńnan astam azamatty jańa formattaǵy ataýly áleýmettik kómekpen qamtý josparlanǵan. Bul maqsatqa 16,4 mlrd. teńge qaralyp otyr.
Eske salsaq, “100 naqty qadam – Ult jospary” aiasynda biyldan bastap qazirgi usynatyn úsh túrli áleýmettik tólemder ornyna ataýly áleýmettik kómektiń jańa formaty engizilgen-di. Onyń máni, shyndyǵynda qiyn jaǵdaiǵa tap bolǵan jáne naqty sebepterge bailanysty osy jaǵdaidan shyǵa almaityn azamattarǵa shartsyz kómek usynylatyn bolady. Eńbekke qabilettilikti saqtaǵan, kómek alýshy úmitkerleri belsendi baǵdarlamalarǵa qatysýshysyna qoldaý shartty aqshalai túrinde kórsetiletin bolady.
Túrkistan oblysy ákiminiń baspasóz qyzmeti
