Qazaqstanda basshylyq qyzmette jumys isteitin laýazymdy túlǵalardyń ortasha jalaqy kólemi 788,7 myń teńgeni quraidy. Bul 2020 jylǵy kórsetkishten 52,2 paiyz artyq. Árine, ákimder men ministrler jalaqysy ortashadan joǵary bolyp tabylady, dep jazady Dalanews.
"Alaida statistikalyq derekterge súiensek, bul Qazaqstanda bastyq bolyp jumys isteitinderdiń barlyǵy 788,7 myń teńge jalaqy alady degen bildirmeidi. Bul ulttyq kompaniia top-menedjeri men shaǵyn jáne orta kásiporyn basshylary tabysynyń ortasha kólemi desek, durysyraq bolady", deidi finprom.kz sarapshylary.
Mysaly, Qazaqstanda ulttyq kompaniia filialynyń jetekshileri arasynda 14,3 mln teńge alatyndary bar, keibir firma basshylary aiyna 10 mln teńge tabys tabady, sol sekildi áleýmettik qamtý ortalyq basshylary 364,2 teńge jalaqy alady.
Jalpy, 788,7 myń teńge jalaqy alatyn basshylar elimizdiń qarqyndy damýshy bes óńirinde tirkelgen. Eń joǵary jalaqyny Almatynyń bastyqtary alady: 1,2 mln teńge. Atyraýda bastyqtar 983,5 myń teńge, Mańǵystaýda 791 myń teńge, Astanadaǵy kompaniia bastyqtary 853,8 myń teńge jalaqy alady.
Salalarǵa kelsek:
- balabaqsha meńgerýshileri - 319,2 myń teńge;
- veterinarlyq klinika basshysy - 348,1 myń teńge;
- mektep direktory - 384,5 myń teńge;
- bas dáriger — 507 myń teńge;
- memlekettik mekeme bastyǵy — 461,3 myń teńge.
Sheneýnikterge keletin bolsaq, eń joǵary jalaqy Úkimet basshysy men onyń orynbasarlaryna tiesili: aiyna 2,5 mln teńgeden.
Oblys ákimderi ortasha eseppen 1,7 mln teńge, ministrler 1,5 mln teńge, Májilis depýtattary 1,3 mln teńge, senatorlar 1,1 mln teńge jalaqy alady.
Bul - Ulttyq statistika biýrosynyń ashyq derekkkózindegi aqparattar.
Aqparat jáne bailanys salasyndaǵy basshylar ortasha eseppen 1,1 mln teńge jalaqy tabady. Sondai-aq IT salasyndaǵy myna mamandar jalaqysy joǵary:
- IT arhitektorlar – 1 mln teńge,
- biznes sarapshylar – 1,4 mln teńge,
- animatorlar – 1,8 mln teńgege deiin,
- kompiýterlik grafikamen jumys isteitin sýretshiler 1,4 mln teńge.
Ortasha jalaqy kóleminen 35 ese artyq tólenetin ári kásibi ataýy da ózgeshe mamandyq - injeneriia psihology. Tehnikalyq júie qaltqysyz jumys istep, kompaniiaǵa tabys ákeletindei etip ony úilestire alatyn bul maman elimizde tapshy kórinedi.
Buǵan deiin qazan aiynda Eńbek naryǵynda tirkelgen eń joǵary jalaqy kólemi qansha ekenin jazǵan bolatynbyz. Sondai-aq qazaqstandyqtardyń naqty jalaqy ósimi ekonomikalyq ósimnen áldeqaida artta qalyp jatqanyn, al joǵary jalaqy jumys isteitin adamdardyń 9 paiyzynyń enshisine buiyryp otyrǵanyn da bizdiń saittan oqi alasyzdar.
