Qyzylorda oblysynyń ákimi Nurlybek Nálibaev Qyzylorda qalasyndaǵy qurylys nysandaryn aralap shyqty,- dep habarlaidy Dalanews.kz
Oblys ákimi aldymen «Bi Global» seriktestigi qolǵa alǵan, ǵimaratynyń aýmaǵy 3820,43 sharshy metr shyǵarmashylyq-innovatsiialyq ortalyqqa bardy. Ortalyq qoldanysqa berilgennen keiin balalarǵa sporttyq-saýyqtyrý, kórkem-estetikalyq, ǵylymi-tehnikalyq, tarihi-ólketaný baǵytta qyzmet kórsetedi. Voleibol, basketbol, fýtbol, vorkaýt alańdarynda, sońǵy úlgidegi basseinde jattyǵý múmkindigi jasalady. Sondai-aq, munda oqýshylardyń bilimin jetildirip, ǵylymi jumystarmen ainalysa alady. Qazir bolashaqtaǵy sáýletti ǵimarattyń boi tiktegenin, ortalyqty mejeli merzimde tabystaý úshin jumys qarqyny jyldamdaǵanyn baiqaýǵa bolady.
Ári qarai aimaq basshysy 2023 jyly Indýstriialandyrý kartasyna engizilgen nan-toqash, konditerlik jáne makaron ónimderin óndirý kesheniniń qurylysymen tanysty. Joba bastamashysy «Qyzylorda Nan» seriktestigi 3,8 mlrd teńgege aýmaǵy 6166 sharshy metr nysan salýda. Konditerlik tsehta jylyna 2520 tonna konditerlik ónim daiyndalady. Al, makaronnyń 15-ten astam túrinen 1152 tonna ónim shyǵarý josparlanǵan.
Nurlybek Mashbekuly qalalyq mádeni jáne demalys parkin qaita jańǵyrtý jumystaryn da kórdi. Jalpy aýmaǵy 6 gektar parkke ǵimarattar men attraktsiondar, betondy skeitpark salynbaq. Búginde «Bi Global» seriktestigi keń kólemdi abattandyrý jumystaryn júrgizýde. Demontaj jumystary tolyq aiaqtalyp, sýburqaqtardyń orny daiyndalýda. Qaita jańǵyrtýdy parktiń ashylý maýsymyna, iaǵni mamyr aiyna deiin paidalanýǵa berý josparlanǵan.
Sonymen qatar, aimaq basshysy kirpish zaýytynyń qurylys alańyna bardy. «Qyzylorda Saz M» JShS-niń kirpish zaýytyn ornalastyrýǵa óńirlik úilestirý keńesiniń sheshimimen 7 gektar jer telimi berilgen. Iske qosylǵan soń munda jylyna 90 mln dana kirpish shyǵarylady. Zaýyttyń irgetasy tolyq quiylyp, metall konstrýktsiialarynyń 60%-y ornatylǵan. Munda 50 jumysshy eńbek etedi. 11 tehnika qoiylǵan. Qajetti qondyrǵylar Qytaidan jetkizildi. Ainalmaly pesh, shikizat daiyndaityn qondyrǵy, ekstrýder, kirpish kesip ony jinaityn qurylǵylar montajdalýda. Janyna ákimshilik-turmystyq ǵimarat ta salynady. Bul kirpish zaýytynyń artyqshylyǵy – óndiris tolyǵymen avtomattandyrylǵan.
Oblys ákimi shyny zaýytynyń jumys barysyn kórip, odan ári jańa stadion, fizika-matematika mektep-internaty jáne oblystyq tarihi-mádeni mura ortalyǵy, mýzykalyq kolledjdiń jańa ǵimaratynyń da qurylysyna aialdady. Merdiger mekemelerge nysandardyń sapaly salynýy, ýaqytyly paidalanýǵa berilýi mańyzdy ekenin eskertti.
Qurylys nysandaryn aralap shyqqan aimaq basshysy bul jobalardyń jergilikti infraqurylymdy damytýdaǵy mańyzdylyǵyn atap ótti.
